Bes baǵyt boıynsha jumys qarastyrylǵan.
Úkimettiń ınflásıany baqylaý tásilin ataýly áleýmettik kómekke ózgertý máselesin talqylaý bastaldy. Bul týraly Ulttyq Bank Tóraǵasynyń orynbasary Aqyljan Baımaǵambetov málim etti, dep habarlaıdy Almaty-akshamy.kz inbusiness.kz cilteme jasap.
"QUB Úkimetpen birlesip ınflásıa deńgeıin baqylaý jáne tómendetý sharalary keshenin ázirlegen bolatyn jáne ol qazir de júzege asyrylyp jatyr. Qujatta – óndiris kólemin ulǵaıtý, saqtaý, taýarlar men kólik logıstıkasy, taýarlardyń bólshek saýdasy, baǵany baqylaý, monopolıaǵa qarsy jáne syrtqy saýdany retteý, júıeli sharalar sıaqty negizgi bes baǵyt boıynsha jumys qarastyrylǵan" – dedi spıker.
Sondaı-aq, Úkimet áleýmettik mańyzy bar ónimderge baǵany turaqtandyrý jumystaryn da júrgizip otyr.
"Úkimettiń ınflásıany baqylaý tásilin ataýly áleýmettik kómekke ózgertý máselesin talqylaý bastaldy. Osylaısha, sýbsıdıalar maqsatty bola alady, al taýarlardy jetkizý men óndiristiń tabystylyǵy aıtarlyqtaı serpin alady. Iaǵnı, báseke men suranys arqyly baǵa turaqtandyrylýy kerek", – deıdi Aqyljan Baımaǵambetov.
QUB 2023 jyly ınflásıany tómendetý, 2025 jyldan bastap orta merzimdi maqsattardy oryndaý úshin suranysty usynyspen teńgerimdi etý arqyly aqsha-kredıt sharttaryn kúsheıtip otyr.
"Tómen ınflásıa deńgeıin targettep, oǵan qol jetkize bilý qajet. Bul makroekonomıkalyq turaqtylyqty qamtamasyz etip qana qoımaı, sharýashylyq júrgizýshi sýbektilerdiń ınflásıalyq kútýlerin maqsatty kórsetkishke jaqyndatady", – dep túıindedi spıker.