Alaıaqtar jasandy ıntellektti qoldanýǵa kóshipti.
Olar adamdardan aqsha jymqyrý úshin týysynyń, áriptesiniń, tanysynyń, qandaı da bir medıa-tulǵanyń atynan baılanysqa shyǵady eken, dep habarlaıdy Almaty-akshamy.kz
«Adamnyń shynaıy daýysyn qalaı keltiredi deısiz ǵoı. Ol úshin alaıaqtar messendjerlerdegi (WhatsApp, Telegram jáne t.b.) akkaýnttardy buzyp, daýystap aıtylǵan habarlamalardy kóshirip alady da, neırondyq jelige júkteıdi eken. Ia bolmasa daýys ózgertetin tehnologıalardy qoldanady. Keıin smartfon ıesiniń daýysy aqsha jiberýdi suraıtyn ótinishke aınalyp, daýystyq habarlama túrinde jiberiledi, tipti sol adamnyń atynan mátinmen de kelýi múmkin», dep eskertedi elimizdiń bas banki.
Smartfonǵa buzyp kirý úshin alaıaqtar uıaly baılanys operatorynyń tehnıkalyq qoldaý qyzmetinen bolamyz dep qońyraý shalyp, telefonǵa kelgen kodty suraıdy. Zardaby zor siltemeler balalar baıqaýyna daýys berý nemese áleýmettik mańyzy bar taqyryptarda saýalnamaǵa qatysýǵa shaqyrý túrinde de jiberilýi múmkin.
Mobıldi telefonyńyzdy syrttan buzyp kirýge jol bergińiz kelmese, kúdikti siltemelerge ótpeńiz. Sosyn telefonǵa kelgen kod pen paróldi eshkimge aıtpańyz da jibermeńiz.
«Ulttyq Banktiń qyzmetkerleri messendjer arqyly aýdıo/vıdeoqońyraý shalmaıdy. Bank qyzmetkeri bolyp qońyraý shalǵan adammen aradaǵy áńgimeni úzip, qandaı da bir sharaǵa nemese tólem operasıalaryn júrgizýge qatysýdan bas tartyńyz», dep jazylǵan resmı habarlamada.