Ulttyq bank bazalyq mólsherlemeni 16,75%-ǵa deıin kóterdi, dep habarlaıdy Almaty-akshamy.kz QazAqparatqa silteme jasap.
«Ulttyq bank bazalyq mólsherlemeni +/– 1 p.t. dálizimen jyldyq 16,75%-ǵa deıin kóterý týraly sheshim qabyldady. Bul sheshim boljamdar men naqty derekterdiń taldaýyna negizdeldi. Oǵan geosaıası jaǵdaıdyń belgisizdigi men saldary, sondaı-aq álemde azyq-túliktiń joǵary baǵalary saqtalyp otyrǵan syrtqy ortanyń faktorlary negiz boldy», - delingen habarlamada.
Ulttyq bank bazalyq mólsherlemeniń qazirgi deńgeıin jetkilikti joǵary dep baǵalap otyr.
«Bazalyq mólsherlemeni uzaq ýaqyt boıy búgingideı mánderde saqtaý ınflásıany turaqtandyrýǵa jáne ony orta merzimdi perspektıvada birtindep tómendetýge múmkindik beredi»,- dep túsindirdi Bank.
Eske salsaq, 26 qazanda Ulttyq bank bazalyq mólsherlemeni 16%-ǵa deıin kótergen edi. Sonymen qatar UB basshysy Ǵalymjan Pirmatov jyl sońyna boljanyp otyrǵan ınflásıa men aqsha-kredıt talaptarynyń baǵalaýlaryn eskergenderin, bazalyq mólsherlemeniń taǵy da múmkin ekenin aıtqan edi.