Ankarada Alash arysyna arnalǵan halyqaralyq konferensıa ótti
Konferensıaǵa TÚRKSOI uıymynyń shaqyrýymen Qazaqstannan Amantaı Shárip pen Anar Fazyljan, Qyrǵyzstannan Merım Kolbaeva, Ázirbaıjannan Elchın Ibrahım, Ózbekstannan Ergash Abdývalıtov sekildi túrki álemine belgili ǵalymdar arnaıy keldi. Olar Ult ustazynyń ómiri men eńbegi jaıynda jan-jaqty maǵlumat berdi, dep habarlaıdy Almaty-akshamy.kz
Jıyn barysynda TÚRKSOI uıymynyń Bas hatshysy Dúısen Qorabaıuly Ahmet Baıtursynulynyń mereıtoıyn toılaý sharalary jalǵasatynyn jetkizdi.
«Ahmet Baıtursynulynyń mereıtoıyna arnalǵan alǵashqy halyqaralyq konferensıany biz uıymdastyryp otyrmyz. Munymen shektelmeımiz. 150 jyldyq sharalary jyl boıy jalǵasyn tabady», - dedi Dúısen Qorabaıuly.
Konferensıaǵa qatysýshylarǵa uıym túrik tilinde daıyndaǵan Ahmet Baıtursynuly beınefılmin kórsetti. Sondaı-aq belgili qalamger Serikbaı Ospanulynyń «Ult ustazy» kitabynyń tusaýy kesildi. Bul týyndy TÚRKSOI uıymynyń qarjylaı qoldaýymen jaryq kórdi.
Erteń konferensıa Stambul qalasynyń Stambul ýnıversıtetinde jalǵasady.