Qazaqstanda avtokomponentter shyǵaratyn kásiporyndar ashylady
Úkimet otyrysynda IIDM basshysy Qaıyrbek Óskenbaev otandyq kásiporyndardyń avtomobılder men aýyl sharýashylyǵy tehnıkasy óndiristerin jergiliktendirý týraly ýaǵdalastyqtardy oryndaýyna qatysty tekseris júrgizgenin málimdedi. Sarapshylar Almaty, Qostanaı jáne Oral qalalaryndaǵy 3 zaýytty aralady, dep habarlaıdy Almaty-akshamy.kz
Budan basqa, shaǵyn torapty qurastyrý jáne komponentterdi (aınalardyń korpýstary, bamperler, dońǵalaq dıskileri, shınalar jáne t.b.) óndirý boıynsha mindettemelerge basa nazar aýdarý úshin ónerkásiptik jınaý týraly barlyq kelisimge taldaý júrgizetinin habarlady. Basqasha aıtqanda, preferensıalardy alýshy zaýyttarǵa jınalatyn tehnıkany Qazaqstanda shyǵarylǵan bólshektermen qurastyrýdy mindetteıdi. Ol úshin jańa óndirister qurý, múmkin tájirıbeli sheteldik kompanıalardyń qatysýymen pysyqtaý qajet bolady.
«Jergiliktendirý deńgeıin arttyrý úshin IIDM avtokomponentterdi óndirý boıynsha qadamdyq is-qımyl josparyn jasady. Sondaı-aq birlesken óndiris qurý jáne ınvestısıalar tartý úshin sertıfıkattalǵan jetkizýshilerdi tartý máselesin pysyqtap jatyrmyz. Atqarylǵan jumys qorytyndysy boıynsha Úkimetke osy jyldyń mamyr aıyna deıin tıisti aqparat engiziledi», - dedi mınıstr.