AMANAT partıasy janyndaǵy azamattyq qoǵam men mádenıetti damytý jónindegi «Miras» keńesi ulttyq qundylyqtardy ulyqtaý, memlekettik tildi damytý men halqymyzdyń mádenıeti, salt-dástúrin nasıhattaý turǵysyndaǵy ustanymdaryn berik saqtap keledi.
El tarıhyndaǵy eleýli oqıǵalar jas urpaqtyń boıyna rýhanı qundylyqtardy sińirip, naǵyz otanshyldyqqa tárbıeleýi tıis. Túrli mádenı-ǵylymı is-sharalar uıymdastyryp, kóptiń kóńilinen shyǵa bilgen AMANAT partıasy Almaty qalalyq fılıaly saıası jumys bólimi ótken jyldyń basynan bastap «Miras» azamattyq qoǵam men mádenıetti damytý jónindegi keńestiń 5 otyrysyn ótkizdi. Onyń bireýi jospardan tys uıymdastyrylǵan otyrys boldy. Basqosý nátıjesinde 13 suraq qaralyp, memlekettik jáne tıisti organdarǵa 29 usynys joldandy. Máselen, 17 mamyrda ótken jospardan tys otyrysta Keńes kınogerleriniń máselesi, kınoındýstrıa men ulttyq memlekettik kınematografıany qoldaý ortalyǵynyń máselesi qaraldy. Onda eki tarap ókilderiniń oı-pikirleri tyńdalyp, talqylandy.
Kınematografıster mádenıet jáne sport mınıstrliginen táýelsiz komısıa tobyn qurýdy, táýelsiz komısıanyń qorytyndysyna deıin Saraptamalyq keńestiń jumysyn ýaqytsha toqtatýdy uıymdastyrýdy, Ulttyq memlekettik kınony qoldaý ortalyǵyna usynylǵan 283 jumys qujatyn qaıta tekserýdi jáne zańsyz áreketter anyqtalǵan jaǵdaıda osy ortalyqtyń basshylyǵyna tıisti sharalar qabyldaýdy talap etti.
Osy talap boıynsha keńeste arnaıy hattama ázirlenip, ol «Miras» respýblıkalyq keńesine joldandy. Nátıjesinde usynystar oń sheshildi. Budan bólek, keńeste barlyq ýaqytta drama teatrlarynda qoıylym, sahna mádenıeti, óner adamdarynyń etıkasy, patrıotızmdi, jastar rýhyn arttyrý jáne t. b. máseleler qaraldy.
Qazirgi tańda qoǵamymyzdaǵy rýhanıatty damytýǵa, ıgilikti, adamgershilikti, qaıy-rymdylyq pen ózara túsinistikti óristetýge jol ashyp, úzdik mádenı dástúrlerdi saqtaýǵa, molaıtýǵa erekshe mán berilýde, bul qýantarlyq jaıt.
Mundaıda mádenıetke joǵary baǵa bergen Muhtar Áýezovtiń «Ǵylym men mádenıet barlyq dúnıeniń altyn alqasy bolyp otyr» degen sózi bar. Búginde bul salaǵa barynsha kóńil bólinip, qalamyzdyń mádenı ómiriniń jandanýyna barynsha kúsh salynýda. Álem bir orynda turmaıdy, al damý ústinde neshe túrli syn-qaterler bolýy múmkin. Eń bastysy, sol syndardy eńsere bilýde, eńserý jolynda birige alý kerek.
Osy ýaqytqa deıin eleýli elimizdiń tól mádenıeti men memlekettik tildi jańǵyrtý isinde kóptegen jumystar atqaryldy. Bul ıgi ister ári qaraı da jalǵasa bermek.
Búginde «AMANAT» partıasynyń «Ulttyq mura» partıalyq jobasy da iske qosylyp, sonyń aıasynda 4 myń adamdy qamtıtyn birqatar aýqymdy mereıtoılyq jáne saltanatty 119 is-shara ótkizilgenin aıta ketken jón.
2023 jyldyń basynda «Toǵyzqumalaq» ulttyq sport túrinen «AMANAT CUP» týrnıri uıymdastyrylyp, oqýshylar arasynda turaqty negizde «asyq atý», «qazaqsha kúres» jáne t. b. jarystar ótkizildi. Aýdandarda Abaı kúnine oraı túrli chellendjder men Abaı oqýlary, al Sátbaev ýnıversıtetinde Qazaqstannyń tuńǵysh antropolog ǵalymy Orazaq Ismagýlovtyń «Ómirimniń máni men sáni» atty kitabynyń tusaýkeseri ótti. Qala mektepterinde oqýshylar arasynda ulttyq oıyndardan jarystar uıymdastyryldy.
Qazaqstan halyqtarynyń birligi kúnine oraı QHA-men birlesip «Birlik týy –AMANAT» qaıyrymdylyq jármeńkesi uıymdastyryldy. İs-shara aıasynda álemniń túrli elderinen kelgen asúılerdiń aspazdyq taǵamdary usynyldy.
«Kitap – AMANAT» ortalyǵynda Respýblıka kúnine oraı egemendik týraly Deklarasıany ázirleýge tikeleı qatysqan jáne táýelsizdik jyldary el irgesin qalaýda eńbek etken qurmetti azamattarmen kezdesý ótt. Oǵan keńes múshesi, jazýshy, Qazaqstannyń eńbek sińirgen qaıratkeri Sáýle Dosjan, qoǵam qaıratkeri, jazýshy-pýblısıst, profesor Marat Toqashbaev, belgili aqyn, «Kók týdyń jelbiregeni» ániniń avtory Almas Saqbaev qatysty. Sonymen qatar ortalyqta joba aıasynda daraboz daryn, aqyn Maraltaı Ybyraevtyń oqyrmandarmen shyǵarmashylyq kezdesýi ótti.
Sondaı-aq, qalanyń mádenıet salasyndaǵy máseleleri talqylanyp, kórnekti qaıratkerlerdiń mereıtoılary ótkizildi. Bul qalada atqarylyp jatqan jumystardyń bir bóligi ǵana. Alda áli birqatar jumystar jalǵasyn tabatyn bolady.