«SQ-Farmasıa» JSHS-degi jańashyldyqtar qandaı?
«Medısınalyq tehnıkany satyp alý júıesin túbegeıli qaıta qaraý qajet. Bul – úlken problema, óıtkeni bul sala joǵary korrýpsıogendi bolyp tabylady. Óńirler jabdyqtyń smetalary men baǵalaryn júıeli túrde kóterip otyrady, oǵan servıstik qyzmet kórsetýge kóp aqsha jumsalady. Sondyqtan Úkimetke «SQ-Farmasıa» bazasynda medısınalyq tehnıkany ortalyqtandyrylǵan satyp alýǵa kóshýdi tapsyramyn».
QR Prezıdenti Qasym-Jomart TOQAEV
«SQ-Farmasıa» JSHS-niń Biryńǵaı dıstrıbútorlyq ortalyǵy tegin medısınalyq kómektiń kepildi kólemi sheńberinde halyqty dári-dármektermen qamtamasyz etý jáne teń quqyly seriktestik jaǵdaıynda jeke jáne memlekettik sektorlardyń kúsh-jigerin biriktirý jolymen QR-da farmasevtıkalyq salany damytýǵa járdemdesý maqsatynda qurylǵan. Iá, ult densaýlyǵy jáne densaýlyq salasynyń bárimizge teń qoljetimdi bolýy – memleket nazarynda ustap otyrǵan negizgi basymdyqtardyń biri.
Jańalanatyn kez keldi
Búgingi kúni Qazaqstan da tehnologıalardyń qarqyndy damýy nátıjesinde emdeý turǵysynan da, aýrýlardy erte dıagnostıkalaý baǵytynda da úlken bıikterge jetti. Erte dıagnostıka jasaý óz kezeginde densaýlyq saqtaý júıesiniń preventıvti medısınany damytý baǵytynda qozǵalýyna yqpal etedi.
Memleket basshysy Qasym-Jomart Toqaev Úkimettiń keńeıtilgen otyrysynda densaýlyq saqtaý salasy boıynsha sóılegen sózinde medısınalyq tehnıkany satyp alý júıesin túbegeıli qaıta qaraý qajettigin atap ótken bolatyn. Sondaı-aq, Úkimetke «SQ-Farmasıa» bazasynda medısınalyq tehnıkany ortalyqtandyrylǵan satyp alý júıesine kóshýdi mindettegen-di. Prezıdent tapsyrmasy jedel qolǵa alynyp, búginde kúsh alyp, jemisin de bere bastady. Qazir bul baǵytta «SQ-Farmasıa» JSHS Biryńǵaı dıstrıbútorlyq ortalyǵy júıeli túrde jumys isteýde.
Sarapshylar pikirine súıensek, buryn bul júıe engizilmeı turǵanda óńirlerdegi medısınalyq uıymdardyń materıaldyq-tehnıkalyq bazasyn teńestirý jáne nyǵaıtý qaǵıdaty iske asyrylmaǵan; densaýlyq saqtaý nysandaryn medısınalyq tehnıkamen jabdyqtaýda biryńǵaı tásil bolmaǵan; medısınalyq tehnıkalar paıdalanylmaı turyp qalǵan nemese basym kópshiligi tozýǵa deıin jetken; medısınalyq tehnıkanyń jaraqtaný deńgeıi, tehnıkalyq jaı- kúıi týraly shynaıy, tolyq jáne egjeı-tegjeıli aqparattar bolmaǵan; tehnıkalyq apparattardy jeń ushynan jalǵasyp, sybaılastyqpen ári joǵary baǵamen satyp alýshylar kóbeıgen; keıbir dári-dármekter halyqqa jetpeı júrgen; zamanaýı qymbat apparattardyń tilin biletin mamandardy oqytatyn oqý oryndarynyń sany shekteýli bolǵan.
Bes jyldyq meje
Sondyqtan Memleket basshysynyń tapsyrmasyna sáıkes, 2021 jyly Densaýlyq saqtaý mınıstrligi densaýlyq saqtaý salasyn jańǵyrtýǵa daıyndyq boıynsha aýqymdy jumysty qolǵa alyp, qolda bar medısınalyq tehnıka parkin túgendeýdi bastady. Nátıjesinde densaýlyq saqtaý uıymdarynyń medısınalyq tehnıkamen jaraqtandyrý deńgeıi 82%-dy qurasa, 49% jabdyqtyń tozǵany anyqtalǵan.
Sapasyz servıstik qyzmet kórsetý apparattyń durys jumys istemeýine, jabdyqtyń buzylýyna ákep soqtyryp, al bul óz kezeginde durys dıagnostıka jasalmaýyna, pasıentter men medısınalyq mekeme qyzmetkerleriniń qaýipsizdigine qaýip tóndiredi. Al buzylǵan apparatty jóndetý qosymsha kóp qarajatty kerek etetini taǵy anyq.
Osyndaı máseleleri túbegeıli sheshý úshin dári-dármekter men medısınalyq buıymdardy satyp alý úlgisi boıynsha «SQ-Farmasıa» JSHS-niń bazasynda medısınalyq tehnıkany satyp alýdy eki kezeńde júzege asyrýdy ortalyqtandyrý qolǵa alyndy. Bes jyldyq kezeńge arnalǵan medısınalyq uıymdardy jaraqtandyrýdyń Ulttyq baǵdarlamasy ázirlenip, ol qarjylandyrý kózderin eskere otyryp, medısınalyq tehnıkaǵa qajettilikti aıqyndaý júıesine ornyqty kózqaras qalyptastyrý esebinen medısınalyq kómektiń sapasyn jaqsartý; medısınalyq jabdyqtar parkin jańartý jáne onyń jumys isteý qabiletin tıisti deńgeıde ustaý; ashyqtyǵyn qamtamasyz etetin jáne medısınalyq tehnıkaǵa naqty qajettilikti aıqyndaıtyn aqparattyq júıe qurýǵa jol ashty.
Otandyq óndirýshilerdi qoldaımyz
Sondaı-aq, Biryńǵaı dıstrıbútorlyq baza dárilik zattar men medısınalyq buıymdardy bir ortalyqtan satyp alý medısınalyq buıymdar óndirisin qurýǵa nemese jańǵyrtýǵa nıeti bar ónim berýshilermen uzaq merzimdi sharttaryn jasasý múmkindigine jol ashty. Búdjet qarajatyn únemdeýge, básekelestikti arttyrýǵa múmkindik berdi. Analogy joq dári-dármekter deldaldarsyz tikeleı óndi lyǵy jáne densaýlyq saqtaý júıesi týraly» Qazaqstan Respýblıkasy kodeksiniń 77-babyna sáıkes, biz sóz etip otyrǵan Biryńǵaı dıstrıbútor sheńberinde dárilik zattar men medısınalyq buıymdardy satyp alýdyń basty qaǵıdattarynyń biri – qazaqstandyq farmasevtıkalyq naryqtyń damýyna tutastaı yqpal etetin otandyq taýar óndirýshilerdi qoldaý. Biryńǵaı dıstrıbútor men otandyq taýar óndirýshiler arasynda 10 jylǵa deıingi merzimge dárilik zattar men medısınalyq buıymdardy jetkizýdiń uzaq merzimdi sharttary jasalady.
Búgingi tańda «SQ-Farmasıa» JSHS men 36 otandyq taýar óndirýshiler arasynda 996 dárilik zat pen 4018 medısınalyq buıymdar ataýyna 88 uzaq merzimdi jetkizý kelisimsharty jasalǵan.
Biryńǵaı ortalyqtandyrylǵan júıe ne berdi?
Biryńǵaı dıstrıbútor júıesi bizge ne berdi degenge keler bolsaq, medısınalyq tehnıkany ortalyqtandyrylǵan satyp alýdy reglamentteıtin normatıvtik-quqyqtyq aktiler ázirlenip, qabyldandy; Biryńǵaı farmasevtıkalyq aqparattyq júıe (BFAJ) bazasynda medısınalyq tehnıkany ortalyqtandyrylǵan satyp alý boıynsha ótinimderdi jınaý modýli ázirlendi; sybaılas jemqorlyqtyń joly kesilip, medısınalyq tehnıkany josparlaý jáne satyp alý rásimderiniń ashyqtyǵy qamtamasyz etile bastady. Servıstik qyzmet kórsetý sapasy jaqsarýda, al ol medısınalyq uıymdardyń servıstik qyzmet kórsetýge arnalǵan qarajatyn únemdeýge jáne medısınalyq tehnıkany paıdalaný tıimdiligin qamtamasyz etýge yqpal etýde. Elimizdiń tehnıkalyq mamandyqtar salasyndaǵy kadrlyq áleýetin arttyrýǵa jáne medısınalyq tehnıka naryǵyndaǵy otandyq taýar óndirýshilerdiń úlesin arttyrýǵa múmkindik bere bastady.
Búginde «SQ-Farmasıa» JSHS janynan qoǵamdyq jumys toby qurylǵan. Onyń quramyna azamattyq qoǵam men bıznes-qoǵamdastyq ókilderi, depýtattar men salalyq sarapshylar kiredi. Jumys toby azamattyq qoǵamnyń pikirin, syndarly synyn tyńdap, ótkir máselelerdi kóterip, jedel sheshim shyǵaryp otyrady. Sonymen qatar, qoǵamdyq jumys tobynyń músheleri qoımalarǵa monıtorıng júrgize alady, aýrýhanalar men dárihanalardyń qajettilikterin boljap, aýrýhanalarǵa dári-dármekterdi jóneltý ýaqytyn ólsheı alady. Sondaı-aq, satyp alý rásimderi men jetkizýshilermen kelissózderge baqylaýshy retinde qatysýǵa quzireti jetedi.
Ádiletti Qazaqstan – bul bizdiń aldymyzǵa taıaý bolashaqta qoıylǵan, eldiń ál-aýqatyn jaqsartý jónindegi is-sharalardy iske asyrýda jyldar boıy ornyqqan dástúrli tásilderden túbegeıli erekshelenetin sapalyq jaǵynan ózgeshe baǵdar. Bul baǵdar ishinde, álbette, adamnyń, qoǵamnyń densaýlyǵyn qorǵaıtyn medısına salasy da bar.
Erhat ESQALIEV, «SQ-Farmasıa» JSHS Basqarma tóraǵasy: BİZ BÁRİNE ASHYQPYZ
«SQ-Farmasıa» JSHS-niń aldyna qoıylǵan mindetterdiń biri – otandyq ázirlemelerdi qoldaý jáne básekege qabiletti farmasevtıkalyq ónerkásipti damytý. Otandyq farmasevtıkalyq óndirýshilerdi qoldaý sheńberinde uzaq merzimdi sharttar arqyly satyp alý kólemi ulǵaıýda jáne boljamdar boıynsha 2025 jylǵa qaraı qoldanystaǵy sharttardy eskere otyryp, biryńǵaı dıstrıbútordy satyp alýdaǵy TÓJ úlesi aqshalaı mánde shamamen 50%-dy quraıtyn bolady.
Farmasevtıkalyq klasterlerdi damytý úshin salaǵa Bıgfarma 50 iri oıynshylaryn tartý, otandyq R&D ortalyqtaryn damytý, sondaı-aq erkin ekonomıkalyq jáne ındýstrıalyq aımaqtarda jańa óndiristerdi óristetý úlken yntalandyrý bolmaq.
Sonymen qatar, servıstik qyzmet kórsetý men kadrlardy oqytý sapasy, medısınalyq tehnıka naryǵyndaǵy otandyq taýar óndirýshilerdiń úlesi artýy tıis.
Aýqymdy is-sharalar qabyldanǵan taǵy bir baǵytymyz – Biryńǵaı dıstrıbútor qyzmetiniń ashyqtyǵyn qamtamasyz etý. Azamattyq qoǵammen ózara is-qımyldy jaqsartý jáne dári-dármekpen qamtamasyz etýdiń qoǵamdyq mańyzdy máseleleri boıynsha ashyqtyqty qalyptastyrý maqsatynda azamattyq qoǵamnyń pikirin bildirý alańy retinde «SQ-Farmasıa» qoǵamdyq jumys toby quryldy.
Maqala «SQ-Farmasıa» JSHS-niń baspasóz
qyzmetiniń málimetteri negizinde ázirlendi.
Daıyndaǵan Nurjamal ÁLİSHEVA.