BAKAD-ty salý jumystary 2018 jyldyń mamyr aıynda bastalǵan bolatyn
Úlken Almaty aınalma jolynyń qurylysy búgingi kúni 95%-ǵa aıaqtaldy. Bul týraly Indýstrıa jáne ınfraqurylymdyq damý mınıstrliginiń avtomobıl joldary komıteti málim etti, dep habarlaıdy Almaty-akshamy.kz.
Vedomstvonyń málimetine sáıkes, qazirgi tańda asfáltbeton jabynyn ornatý jumystary aıaqtalǵan.
«Qazir abattandyrý jumysy júrip jatyr. BAKAD-tyń qurylysy ýaqytynan buryn jasalýda. Jol salý jumysyn aıaqtaý merzimi bıylǵy jyldyń sońyna deıin josparlandy. Joba tolyǵymen 2023 jyly aıaqtalady»,-dep habarlady avtomobıl joldary komıtetiniń baspasóz qyzmeti.
Úlken Almaty aınalma jolynyń jalpy uzyndyǵy - 66 shaqyrym (birinshi sanat, 6 jolaq).
Jobany túrik-koreı konsorsıýmy júzege asyryp jatyr.
Eske salsaq, BAKAD-ty salý jumystary 2018 jyldyń mamyr aıynda bastalǵan bolatyn.
Aıta keteıik, BAKAD - Qazaqstan tarıhyndaǵy iri ınfraqurylymdyq jobanyń biri.
Onyń qurylys jumystary tolyq bitken kezde, Almaty oblysynyń ekonomıkasyna serpin bermek, sebebi, shamamen 300 mlrd teńge ınvestısıa tartylady.
Bul shaǵyn jáne orta bızneske mýltıplıkatıvti áser etetin bolady.
Iaǵnı, jol boıyndaǵy servıs, ondaǵy kólik-logıstıkalyq termınaldardyń damyp, ónerkásiptik kásiporyndardyń naryqqa qoljetimdiligi artpaq.