Ol fınalda ózbekstandyq Djabraıl Shapıevti 5:2 esebimen jeńdi.
QR Ulttyq ulanynyń Sport komandasyn daıarlaý ortalyǵynyń áskerı qyzmetshisi Azamat Dáýletbekov erkin kúresten 2024 jylǵy Azıa oıyndarynyń chempıony atandy, dep habarlaıdy Almaty-akshamy.kz Polisia.kz-ke silteme jasap.
Olımpıada lısenzıasynyń ıegeri Azamat Dáýletbekov Qyrǵyz Respýblıkasynyń astanasynda ótip jatqan baıraqty básekede 86 keli salmaq dárejesinde óner kórsetti. QR İİM UU ofıseri fınalda ózbekstandyq Djabraıl Shapıevti 5:2 esebimen jeńdi.
«Bul meniń sary qurlyq chempıonatynda qatarynan alǵan úshinshi altyn júldem. Jyl saıyn ózimniń kásibı sheberligimdi shyńdap, óz deńgeıimdi arttyrýǵa kúsh salyp kelemin. Osy rette maǵan qoldaý bildirgen jáne senim artqan bapkerlerim myń alǵys. Sondaı-aq osyndaı dodada baq synaýǵa múmkindik jasaǵan Ulttyq ulan Bas qolbasshysyna aıtar alǵysym sheksiz», dedi Azamat Dáýletbekov.
Ulttyq qurama kóshbasshysy fınaldyq kezdesýlerge deıin, ıaǵnı kúndizgi sesıada ırandyq sportshy Hadı Vaıaeıpýrany upaı sanymen, odan keıin jartylaı fınalda qytaılyq Peılong Lıdi 11:0 esebimen taza jeńgen bolatyn.
Erkin kúresten Qazaqstan quramasy jarysty 1 altyn, 2 kúmis jáne 1 qola júldemen aıaqtady. Erkin kúres sheberleri arasynan altyn júldeni Ulttyq ulan ofıseri Azamat Dáýletbekov ıelendi.