Budan buryn Astana forýmynyń ótpeıtinin habarlaǵanbyz.
QR Ónerkásip jáne qurylys mınıstrligi 2024 jyldyń 25-26 sáýirine josparlanǵan Qazaqstan mashına jasaýshylarynyń Hİİ forýmy ótpeıtin bolǵanyn málimdedi, dep habarlaıdy Almaty-akshamy.kz
" Forým eldiń aýmaǵyn sharpyǵan aýqymdy sý tasqynyna baılanysty 2025 jylǵa aýystyrylatyn boldy. Qazaqstan Respýblıkasy Prezıdentiniń tapsyrmasyna sáıkes, mınıstrlik zardap shekkenderge arnalǵan turǵyn úılerdi qalpyna keltirý jónindegi is-sharalardy úılestirý jáne júzege asyrý jónindegi jaýapty organ bolyp taǵaıyndaldy. Mınıstrlik is-sharaǵa qyzyǵýshylyq tanytqany úshin shynaıy alǵysyn bildiredi jáne onyń toqtatylýyna baılanysty týyndaǵan qolaısyzdyqtar úshin keshirim suraıdy" degen aqparat taratty QR Ónerkásip jáne qurylys mınıstrligi.