Almaty qalasynyń qoǵamdyq tártibin qadaǵalap júrgen Qazaqstan Respýblıkasy İİM Ulttyq ulany 5571 áskerı bóliminiń jaýyngerleri qala turǵynyna joǵalǵan uıaly telefonyn taýyp, qaıtaryp berdi.
Oqıǵa 22 qańtarda saǵat 18.40 shamasynda Túrksib aýdanynda patrúldik-bekettik qyzmet atqarý barysynda bolǵan. Jaýyngerlik qyzmet atqaryp júrgen áskerı jasaq bastyǵy efreıtor Meıirjan Álseıit pen patrúlshiler Temirlan Qanatuly, Nurseıit Naǵımov jáne Danıar Amanbaıuly jol jıeginde jatqan smartfon taýyp alǵan. Bul týraly áskerı jasaq radıobaılanys arqyly patrúldik top bastyǵyna baıandaǵan.
– Biz 4-baqylaý núktesinde turǵan bolatynbyz. Sol ýaqytta jol jıeginde qardyń astynda jaryǵy janyp jatqan uıaly telefondy kórip qaldyq. Birden patrúldik top bastyǵyna baıandap, qyzmetimizdi jalǵastyrdyq. Biraz ýaqyttan keıin uıaly telefon ıesi basqa nómirden qońyraý shaldy. Biz oǵan kóz jetkizgen soń telefondy zańdy ıesine tabystadyq, – deıdi efreıtor Meıirjan Álseıit.
Qala turǵyny joǵalǵan uıaly telefonyn ózine qaıtarǵan quqyqtyq tártip áskeriniń saqshylaryna qyraǵy jáne qyzmetterin muqıat atqarǵany úshin alǵysyn bildirdi.