Ýkraınada elimizdiń azamattaryna tıesili 1 457 júk vagony tur
11 naýryzdaǵy jaǵdaı boıynsha Ýkraınadan qazaqstandyq menshik ıelerine tıesili 57 júk avtokóliginiń 49-y shyqty. IIDM málimetinshe, bul eldiń aýmaǵynda 8 júk kóligi, onyń ishinde ýkraındyq júrgizýshileri bar Qazaqstannyń 4 júk kóligi qalyp otyr, dep habarlaıdy Almaty-akshamy.kz Elorda.info saıtyna silteme jasap.
Sonymen qatar, Ýkraınada elimizdiń azamattaryna tıesili 1 457 júk vagony tur. Olardy basqa baǵyttarǵa jiberý jumystary jalǵasýda.
Halyqaralyq tasymaldarda týyndaǵan máseleler boıynsha jedel áreket etý úshin QR IIDM, «Qazaqstan temir joly» UK» AQ jáne elimizdiń teńiz porttary janynan «jedel jeliler» ashyldy. Múddeli taraptarmen kelissózder júrgizilip jatyr.
"Aqtaý jáne Quryq teńiz porttary qalypty rejımde jumys istep tur. Júkter bógelip jatqan joq", – delingen mınıstrliktiń habarlamasynda.