Ekinshi repatrıasıa reısi 1 naýryzǵa josparlanǵan.
Ýkraınadaǵy qazaqstandyqtardyń alǵashqy legi búgin túnde jetkiziledi. Bul týraly Almaty halyqaralyq áýejaı baspasóz qyzmeti málim etti, dep habarlaıdy Almaty-akshamy.kz QazAqparatqa silteme jasap.
« Qazaqstandyqtar otyrǵan áýe kemesi Katovıse qalasynyń ýaqyty boıynsha saǵat 10:30-da Atyraýǵa ushyp shyǵady. Almatyǵa túngi saǵat 00.30-da keledi dep kútilýde. BAQ ókilderi úshin baspasóz máslıhaty uıymdastyrylady»,- dep habarlady áýejaı baspasóz qyzmeti.
Vedomstva málimetinshe, ekinshi repatrıasıa reısi 1 naýryzǵa josparlanǵan.
Buǵan deıin Ýkraınadaǵy Qazaqstan azamattaryn ákelýge 179 oryndyq ushaq Polshaǵa attanyp ketkeni týraly habarlaǵan bolatynbyz.
28 aqpanda Qazaqstan azamattaryn shyǵarý boıynsha «KS 2203» birinshi reısi Atyraý qalasynan Katovıse qalasyna (Polsha) Nur-Sultan ýaqyty boıynsha saǵat 09:53-te ushyp ketti. Áýe kemesiniń tıpi – A321, syıymdylyǵy – 179 oryn.