Bul týraly Májiliste ishki týrızm taqyrybyna arnalǵan Úkimet saǵatynda QR Mádenıet jáne sport mınıstri Dáýren Abaev málimdedi.
2021 jylǵy 9 aıdyń qorytyndysy boıynsha ishki týrıser sany 5,2 mln adamdy quraǵan. Mınıstrdiń aıtýynsha, ótken jyl ulttyq parkterge týrıserdiń eń kóp kelgen jyly boldy, dep habarlaıdy Almaty-akshamy.kz
«Memleket basshysy Mınıstrlikke týrızm salasyn el ekonomıkasyn damytatyn draıverge aınaldyrýdy júktedi. Bizde buǵan qajetti rekreasıalyq, ekologıalyq, ınvestısıalyq jáne adamı sıaqty resýrstardyń bári bar. Epıdemıologıalyq jaǵdaı men shekaradaǵy karantındik shekteý sharalarynyń sebebinen kelý týrızmi boıynsha kórsetkishterdiń aıtarlyqtaı tómendegeni belgili. Degenmen, karantındik talaptar jeńildegennen keıin birqatar kórsetkishterdiń, onyń ishinde ishki týrızmniń de jaqsarǵany baıqalyp otyr. 2021 jylǵy 9 aıdyń qorytyndysy boıynsha, ishki týrıser sany 5,2 mln adamdy qurady. Bul, 2019 jylǵy karantınge deıingi kórsetkishpen salystyrǵanda, 100 myń adamǵa artyq», - dedi D. Abaev.
2021 jyly týrıser sany 2019 jylmen salystyrǵanda 300 myńǵa kóbeıip, 1,5 mln adamdy quraǵan. Ásirese, Almaty taý klasteriniń ulttyq parkterine kelýshilerdiń eselep artqanyn aıtý kerek: İle Alataýy (212 myńnan 430 myńǵa deıin), Kólsaı (83 myńnan 160 myńǵa deıin) jáne Sharyn.
«Bul ulttyq parkterge óz jobalaryn tabıǵatqa zıan keltirmeı júzege asyratyn ınvestorlardy tartý isiniń tıimdiligin taǵy bir márte dáleldeıdi. Sondaı-aq ornalastyrý oryndary kórsetetin qyzmet kólemi de ósýde. Mysaly, ótken jylǵy 9 aıdyń qorytyndysy 2020 jyldyń sáıkes kezeńimen salystyrǵanda 66%-ǵa óskeni baıqalady. Ornalastyrý oryndary 182 birlikke, al olardyń birjolǵy syıymdylyǵy 9 myńnan astamǵa kóbeıdi. Iaǵnı birjolǵy tártipte 200 myńǵa jýyq adamdy qabyldaı alamyz», - dedi mınıstr.