Qazaqstan Respýblıkasynyń Táýelsizdigine - 30 jyl
Ýkraınanyń Odessa qalasynda fotokórme ashyldy, dep habarlaıdy almaty-akshamy.kz. Ol Qazaqstan Respýblıkasy Táýelsizdiginiń 30 jyldyǵy men Semeı ıadrolyq polıgony jabylý kúniniń 30 jyldyǵyna oraılastyrylǵan.
Kórmede Qazaqstandy, onyń mádenıetin, halqy, tabıǵaty, sáýleti, ulttyq taǵamdary jáne t.b. keskindeıtin fotosýretter usynylǵan. Sonymen qatar kelýshiler nazaryna Semeı ıadrolyq polıgonynyń jabylý tarıhy men Qazaqstannyń ıadrolyq qarýdy taratpaý jóninde álemdik arenadaǵy kúsh-jigeri týraly materıaldar tanystyryldy.
Kórmege kelýshilerge Táýelsizdiktiń 30 jylynda Qazaqstannyń jetken jetistikteri, elimizdiń álemdik arenadaǵy róli men mártebesi, sondaı-aq Semeı ıadrolyq polıgony, «Nevada-Semeı» halyqtyq qozǵalysy men jabylý týraly sheshimi týraly baıandaldy.
Kórmeniń ashylýyna Odessanyń mádenıet salasy, qoǵam jáne isker toptarynyń ókilderi qatysty, olar is-sharany úlken qyzyǵýshylyqpen qabyldady.
Kórmeni Qazaqstannyń Ýkraınadaǵy Elshiliginiń kómegimen Odessadaǵy QR Qurmetti konsýldyǵy uıymdastyrdy. Fotomaterıaldardy «Qazaqparat» HAA usyndy.
«Osyndaı fotokórmelerdi, sondaı-aq Ýkraınanyń Harkov pen Lvov qalalarynda da ótkizý josparlanyp otyr», dep jazady SİM baspasóz qyzmeti.