Túzetýler paketi daıyndalǵan
QR Premer-Mınıstri Álıhan Smaıylov qurylys salasyn reformalaý jáne onyń básekege qabilettiligin arttyrý máseleleri jóninde keńes ótkizdi, dep habarlaıdy Almaty-akshamy.kz Úkimet basshysynyń baspasóz qyzmetine silteme jasap.
Baıandama jasaǵan Indýstrıa jáne ınfraqurylymdyq damý vıse-mınıstri Erkebulan Daýylbaev qurylys salasynyń tıimdiligin arttyrý tetikterin ázirleý qorytyndylary boıynsha zańnamalyq túzetýler paketi daıyndalǵanyn atap ótti.
Jańa normalardy engizýdiń arqasynda shaǵyn jáne orta bıznestiń memlekettik satyp alýǵa qatysý múmkindikterin keńeıtý, zańsyz jáne ónimsiz qosalqy merdigerlerdiń, sondaı-aq biliktiligi joq lısenzıattardyń qyzmetin shekteý josparlanyp otyr.
Budan basqa, naryq sýbektilerine jer ýchaskelerin alý kezinde teń múmkindikter berý, úlestik qurylys salasyn jetildirý jáne sala boıynsha laıyqty eńbekaqy tóleýdi qamtamasyz etý josparda bar.
Zańnamalyq túzetýlerdi qabyldaý qurylys kólemin birkelki bólýge, oryndalatyn jumystardyń sapasy men ashyqtyǵyn arttyrýǵa múmkindik beredi dep kútiledi.
Premer-Mınıstr usynylǵan ózgeristerdiń negizgi bóligin qoldady jáne múddeli memlekettik organdarǵa egjeı-tegjeıli esep jasaýdy qajet etetin tarmaqtardy qosymsha pysyqtaýdy tapsyrdy.