Oqý-aǵartý mınıstri Ǵanı Beısembaev 2020-2022 jyldary respýblıkada túrli qarjylandyrý kózderi esebinen 340 myń oqýshyǵa arnalǵan 626 mektep paıdalanýǵa berilgenin baıandady.
QR Premer-mınıstri Álıhan Smaıylovtyń tóraǵalyǵymen ótken Memleket basshysynyń Saılaýaldy baǵdarlamasyn iske asyrý jónindegi respýblıkalyq shtabta qolaıly oqý jaǵdaılary bar 1,5 mln oqýshy ornyn ashý máselesi qaraldy, dep habarlaıdy Almaty-akshamy.kz
«Bıyl 130 myń balaǵa arnalǵan taǵy 146 mektep ashý josparlanyp otyr, onyń 62-si sybaılas jemqorlardan tárkilengen qarajat esebinen salynbaq», delingen Úkimet baspasóz qyzmetiniń habarlamasynda.
Sonymen qatar Memleket basshysynyń tapsyrmasyn oryndaý maqsatynda "Jaıly mektep" ulttyq jobasyn iske asyrý bastaldy, onyń aıasynda 2024-2025 jyldary 740 myń oqýshyny qamtıtyn jańa formattaǵy 369 mektep salynbaq. Bul oqýshy sany tym kóp synyptar, apattyq mektepter jáne úsh aýysymmen oqytý máselesin túpkilikti sheshýge múmkindik beredi dep kútilýde.
Búgingi tańda jańa oqý oryndaryn jıhazben jáne tehnologıalyq jabdyqtarmen jaraqtandyrý standarttary ázirlendi, "Atameken" UKP-men birlesip, otandyq taýar óndirýshilerdiń ulttyq jobasyna qatysý máselesi pysyqtaldy, "Bilim berý ózgeristeriniń 1000 kóshbasshysy" jobasy boıynsha jaıly mektepter dırektorlarynyń korpýsyn daıyndaý júrgizilýde, olardy kadrlarmen ýaqytyly qamtamasyz etý úshin muǵalimder bazasyn qalyptastyrý jalǵasýda.
Premer-mınıstr ulttyq jobany iske asyrý aıasynda merdigerlik uıymdar men jer ýchaskelerin anyqtaý, sondaı-aq qajetti jobalaý-smetalyq qujattamany daıyndaý jónindegi jumysty jedeldetý qajettigin atap ótti.
"Jer ýchaskeleriniń daıyndyǵy boıynsha qurylys jumystaryn dereý aıaqtaý qajet. Bul ınfraqurylym, joldar jáne abattandyrý jumystaryn júrgizýge qatysty. Ár óńir boıynsha tıisti jol kartalary daıyn, osy máselelerdiń barlyǵyn jedel sheshý qajet", dedi Úkimet basshysy Álıhan Smaıylov.
Ulttyq jobany iske asyrý týraly "Samuryq-Qazyna" UÁQ" AQ basshysy Nurlan Jaqypov pen "Samruk-Kazyna Construction" AQ basshysy Máýlen Aımanbetov baıandama jasady. Jaıly mektepterdi jobalaý jáne saraptamadan ótkizý týraly ındýstrıa jáne ınfraqurylymdyq damý vıse-mınıstri Azamat Beıispekov, ınternet-jelilerdi júrgizý týraly sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın baıandady.
Álıhan Smaıylov sapaly ınternetsiz jaıly mektepter óz ataýyna saı bolmaıtynyn basa aıtty.
"Tapsyrý kezinde jańa mektepter sapaly ınternet baılanysyna qosylýy tıis", — dedi Premer-mınıstr.
Jaıly mektepterde eńbek etetin bilikti muǵalimderdi daıarlaý týraly ǵylym jáne joǵary bilim mınıstri Saıasat Nurbek baıandady. Jalpy, onyń aıtýynsha, aldaǵy jyldary jaqsartylǵan standarttar boıynsha jańa formasıadaǵy 49 myń pedagog daıarlaý josparlanyp otyr.
Úkimet basshysy jańa bilim ordalary tek jaraqtandyrý boıynsha ǵana emes, sondaı-aq bilim sapasy boıynsha da myqty bolýǵa tıis ekenin atap ótti.
"Jaıly mektepterge qoıylatyn talaptar men azamattardyń olarǵa qatysty úmiti kóp, sondyqtan onda sapaly kadrlardy jumysqa alý máselesine barynsha nazar aýdarý qajet. Sebebi mektep degenimiz – jaı ǵana ǵımarat emes, eń aldymen, balalardy bilimge jeteleıtin muǵalim", - dedi Álıhan Smaıylov.
Oqý-aǵartý mınıstrligine ulttyq jobanyń iske asyrylý barysyna kúndelikti baqylaý júrgizý, problemalyq máselelerdi jáne olardy sheshý joldaryn kórsete otyryp, atqarylyp jatqan jumys týraly Úkimetke aı saıyn habarlap otyrý tapsyryldy.