Týrnırdiń júlde qory 40 mıllıon teńge.
Dınara Sádýaqasova Astanada halyqaralyq shahmat festıvalin ótkizedi, dep habarlaıdy Almaty-akshamy.kz
11 shilde men 19 shilde aralyǵynda elordada Astananyń 25 jyldyǵyna arnalǵan "Astana juldyzdary" halyqaralyq shahmat festıvali ótedi. Jarysty qazaqstandyq sportshy, Álem chempıonattarynyń jeńimpazy Dınara Sádýaqasova basqaratyn Shahmat akademıasy uıymdastyrady.
Týrnırdiń maqsaty – Qazaqstanda shahmatty sport túri retinde tanymal etý jáne damytý, salaýatty ómir saltyn nasıhattaý, sondaı-aq jas sportshylardyń sheberligin arttyrý, jas talanttardy izdeý. Festıvál kezinde uıymdastyrylatyn týrnırlerge Qazaqstanǵa álemniń 16 elinen 800-den astam adam shahmatshy keledi dep kútilýde. Júlde qory rekordtyq soma – 40 mıllıon teńgeni quraıdy.
Festıvál aıasynda tórt týrnır ótedi: erler men áıelder arasyndaǵy Qazaqstan Respýblıkasy Kýbogynyń kezeńi, áýesqoılar, balalar arasynda jáne blısten týrnır. Jarysqa keletin balalardyń arasynda Ekibastuz balalar úıiniń tárbıelenýshileri de bolady. Sonymen qatar, "FIDE uıymdastyrýshysy" (FIDE – ulttyq federasıalardy biriktiretin halyqaralyq shahmat federasıasy) ataǵyn alý úshin semınar uıymdastyrylady.