2024 jyldan bastap kreatıvti ındýstrıalarǵa qatysty kásipkerlik qyzmettiń 40 túri bólshek saýda salyǵy boıynsha arnaıy salyq rejımi aıasynda jumys isteı bastaıdy, dep habarlaıdy almaty-akshamy.kz QR Mádenıet jáne aqparat mınıstrliginiń baspasóz qyzmetine silteme jasap.
Mundaı ózgerister Memleket basshysynyń tapsyrmasy aıasynda Mádenıet jáne aqparat mınıstrligi men Ulttyq ekonomıka jáne qarjy mınıstrligi birlesip kreatıvti ındýstrıalardy qoldaý sharalarynyń jekelegen paketin ázirleý sheńberinde Úkimettiń qaýlysyna engizildi.
Ózgeristerdiń arqasynda kásipkerler korporatıvtik tabys salyǵyn, jeke tabys salyǵyn jáne qosylǵan qun salyǵyn tóleýden bosatylady. Onyń ornyna jeke kásipkerler úshin 2% - dan 4% - ǵa deıingi, sondaı-aq JSHS úshin 8% mólsherinde biryńǵaı salyq engiziletin bolady.
Aıta ketý kerek, kreatıvti ındýstrıalar salasynda jumyspen qamtylǵandar sany qazirgi tańda shamamen 133,2 myń adamdy quraıdy.
QR Mádenıet jáne aqparat mınıstrligi osy sala ókilderimen turaqty túrde kezdesýler ótkizip turady.
Instıtýsıonaldyq ınfraqurylymdy, kreatıvti ındýstrıalardy qoldaýdyń arnaıy Qoryn qurýdyń negizgi tásilderin, kreatıvti ındýstrıalarmen jumys isteýde memlekettik menshikti paıdalaný tetikterin talqylaý qazir erekshe ózekti bolyp otyr.