QR Úkimetiniń 26 shildedegi № 612 qaýlysyna sáıkes, Qazaqstan men Qytaı Halyq Respýblıkasy arasynda ekijaqty vıza rejımi týraly kelisim bekitildi, dep habarlaıdy Almaty-akshamy.kz.
«Taraptar ýaǵdalasqan kelisimniń 2-babyna sáıkes, eki el azamattary iskerlik maqsatpen, jumys babymen, jeke ispen, emdelýge nemese týrıs retinde barǵan jaǵdaıda vızalyq talaptar alynyp tastaldy. Memlekettik shekarany kesip ótken sátten bastap 30 kúnnen aspaıtyn kezeńge el aýmaǵynda bola alady. Eger ýaǵdalasýshy elderdiń azamattary kelisimniń 2-baby 1-i tarmaǵynda kózdelgen ıaǵnı memleketke barýdaǵy maqsaty men merzimi sáıkes kelmegen jaǵdaıda aldyna ala vızaǵa ótinish berýi tıis», - delingen resmı qujatta.
Qazaqstan azamattarynan talap etiletin qujattar:
- Qazaqstan Respýblıkasy azamatynyń tólqujaty;
- Qazaqstan Respýblıkasyna qaıtyp oralý týraly kýálik.
Qytaı azamattarynan suralatyn qujattar:
- Qytaı Halyq Respýblıkasy azamatynyń jartylaı qyzmettik pasporty;
- Qytaı Halyq Respýblıkasy azamatynyń pasporty;
- Qytaı Halyq Respýblıkasynyń ýaqytsha jol júrý qujaty.
Úkimet qaýlysynyń tolyq nusqasymen osy siltemede tanysýǵa bolady.