Elimizde 2022 jyl - Balalar jyly dep jarıalandy.
QR Premer-Mınıstri Eraly Toǵjanovtyń aıtýynsha, Balalar jylyna arnalǵan is-sharalar Úkimet otyrysynda talqylanady, dep habarlaıdy Almaty-akshamy.kz
«Bilim berý júıesindegi barlyq jumys, barlyq qabyldanǵan is-shara oqýshylardyń, tárbıelenýshilerdiń múddelerine baǵyttalýy tıis. Barlyq qujattyń astarynda balalardyń keleshegi turýy kerek. Ásirese, 2022 jyl - Balalar jyly. Bul - Memleket basshysynyń tikeleı bastamasy. Biz Balalar jylynyń mazmunyn mańyzdy is-sharalarmen toltyrýǵa tıispiz», - dedi Úkimet basshysynyń orynbasary Bilim jáne ǵylym mınıstrliginiń keńeıtilgen alqa otyrysynda.
Úkimet basshysynyń orynbasary, ásirese, ómirde qıyn jaǵdaıǵa tap bolǵan balalarǵa, balalar úıleriniń tárbıelenýshilerine, múgedek balalarǵa qamqorlyq jasaýdyń mańyzy óte zor ekendigin basa aıtty.
«Sondyqtan osy baǵyttaǵy halyqaralyq tájirıbeniń barlyǵyn taǵy da zertteýdi tapsyramyz. Bul baǵytta aldymyzda biraz mindetter tur. Ózderińizge belgili, Balalar jylyn ótkizýge arnalǵan jumystardy uıymdastyrý bastaldy. Sondyqtan osy rette iske asyrylatyn naqty is-sharalardy Úkimettiń otyrysynda arnaıy talqylaıtyn bolamyz. Munyń bári óte mańyzdy», - dedi Eraly Toǵjanov.