Onyń 11-i – birinshi jartyjyldyqqa, 20-sy – jyldyń ekinshi jartysyna josparlanǵan.
2022 jyly Úkimet 31 zań jobasyn ázirleıdi, dep habarlaıdy Almaty-akshamy.kz Úkimettiń resmı saıtyna silteme jasap.
Úkimet otyrysynda Úkimettiń zań jobalaý jumystarynyń 2022 jylǵa arnalǵan josparynyń jobasy qaraldy.
Ádilet mınıstri Marat Beketaev Úkimettiń zań jobalaý jumystarynyń 2022 jylǵa arnalǵan jospary 31 zań jobasyn ázirleýdi jáne Parlamentke engizýdi kózdeıtinin, onyń ishinde 11-i – birinshi jartyjyldyqqa, 20-sy – jyldyń ekinshi jartysyna josparlanǵanyn aıtty.
Zań jobalary memlekettik qyzmet, jylý energetıkasy, densaýlyq saqtaý, bilim berý, mádenıet jáne sport salalaryn odan ári damytýǵa jáne retteýge, terorızmdi qarjylandyrýǵa jáne kiristerdi zańdastyrýǵa qarsy is-qımyl tásilderin, aglomerasıalardy damytýǵa, azamattyq jáne qylmystyq zańnamany jetildirýge jáne t. b. baǵyttalǵan.
«Qazaqstan Respýblıkasynyń áleýmettik kodeksin» jáne «Tutynýshylardyń quqyqtaryn qorǵaý týraly», «Sáıkestikti baǵalaý týraly», «Kásibı biliktilik týraly», «Jylý energetıkasy týraly», «Aglomerasıalardy damytý týraly» bes jańa zań ázirleý josparda bar. Úkimet basshysy memlekettik organdardyń birinshi basshylaryna zań jobalarynyń sapasyn jáne olardyń Parlamentke ýaqytyly engizilýin qamtamasyz etýdi tapsyrdy.