Kenshilerdiń kóbi gazdan ýlanǵan.
Qazaqstan premer-mınıstri Álıhan Smaıylov "ArselorMıttal Temirtaý" AQ Kostenko atyndaǵy shahtada órt saldarynan zardap shekken kenshilerge bardy, dep habarlaıdy Almaty-akshamy.kz Úkimettiń baspasóz qyzmetine silteme jasap.
Qazirgi ýaqytta profesor H.J.Maqajanov atyndaǵy kópsalaly aýrýhanada zardap shekken 20 adam qajetti em qabyldap jatyr.
Bas dáriger Erkin-Dáýir Qurmanǵalıevtiń aıtýynsha, naýqastar ártúrli apparattar, sonyń ishinde KT jáne ÝDZ arqyly, sondaı-aq túrli sala mamandaryn tartý arqyly tolyq tekserilgen. Olardyń kópshiligi gazdan ýlanǵan, barlyǵynyń jaǵdaıy turaqty, ómirine qaýip tónip turǵan joq.
Premer-mınıstr zardap shekkenderge barlyq qajetti medısınalyq kómek kórsetilýi kerektigin qadap aıtty.
"Tez saýyǵyp, otbasylaryńyzǵa oralýlaryńyzǵa tilektespin", - dedi Álıhan Smaıylov.
Shahterlerdiń biri qaza tapqan kenshilerdiń otbasylaryna qandaı kómek beriletinin surady.
"Bul – shynymen de óte aýyr qasiret. Qaıǵylaryńyzǵa ortaqtasyp, kóńil aıtamyz. Búgin memleket basshysy qaza tapqandardyń otbasylaryna qajetti qarajat bólý týraly tapsyrma berdi. Tolyǵymen qoldaý kórsetemiz: baspana, nesıelerdi óteý, balalardy oqytý, birjolǵy tólemder – munyń barlyǵymen qamtamasyz etemiz", - dedi premer-mınıstr.