Ult densaýlyǵyn nyǵaıtý – memleketimizdiń eń mańyzdy basymdyǵy - Álıhan Smaıylov.
Premer-Mınıstr Álıhan Smaıylov medısına qyzmetkerlerin kásibı merekelerimen quttyqtady, dep habarlaıdy Almaty-akshamy.kz.
«Sizderdi Medısına qyzmetkeri kúnimen shyn júrekten quttyqtaımyn! Adam ómirin saqtap, densaýlyǵyn nyǵaıtý jolynda aq halatty abzal jandardyń eńbegi ushan-teńiz.
Árdaıym baqytty ǵumyr keship, qıyn da aýyr eńbekterińizdiń jemisin kórińizder.
Ult densaýlyǵyn nyǵaıtý – memleketimizdiń eń mańyzdy basymdyǵy.
Qajyr-qaıratty talap etetin osynaý mártebeli mindet aq halatty abzal jandardyń ıyǵynda ekeni sózsiz.
Qazaqstanda medısınanyń birqatar baǵyty qazirdiń ózinde halyqaralyq deńgeıde tabysty básekelestikke túsýde. Búginde halyqqa joǵary tehnologıalyq medısına qyzmetteri qoljetimdi. Ulttyq ǵylymı kardıohırýrgıa, Ulttyq neırohırýrgıa, Iadrolyq medısına jáne basqa da kóptegen zamanaýı medısına ortalyqtary jumys istep tur», - dep jazdy Úkimet basshysy.
Á.Smaıylov Memleket basshysynyń tapsyrmasy aıasynda «Aýyldyq densaýlyq saqtaýdy jańǵyrtý» ulttyq jobasyn júzege asyrý bastalǵanyn eske saldy. Onyń sheńberinde bıyl 309 alǵashqy medısınalyq-sanıtarlyq kómek kórsetý nysany salynady.
«Memleket aldaǵy ýaqytta da qazaqstandyq dárigerlerdiń eńbegin baǵalap, ál-aýqatyn jaqsartý jolynda bar kúsh-jigerin salady.
Eren eńbekterińiz úshin myń alǵys! Sizderge myqty densaýlyq, qajymas qaırat, bolashaqqa senim, abyroı jáne tabys tileımin!», - dedi Premer-Mınıstr.