Ánshi Dımash Qudaıbergen Instagram-daǵy paraqshasynda osyndaı jazba qaldyrdy, dep habarlaıdy Almaty-akshamy.kz.
Onda ol atasymen túsken sýretterinde jarıalaǵan.
«Rahmet, papa… Maǵan bergen qanattaryń úshin, maǵan kókke qalaı kóterilip, kókjıegimdi keńeıtýdi úıretkeniń úshin, 100 mektep bere almaıtyn rýhanı tálimiń úshin… Saǵan degen alǵysymdy sózben jetkize almaspyn. Aıtqandarymnan aıtyp úlgermegenderim kóp. Qosh bol, áketaı! Máńgi júrektesiń! Janyń jumaqtan oryn tapsyn. Seniń kenjetaıyń… Barlyq kóńil aıtyp jatqan aǵaıyndarǵa Alla razy bolsyn! Otbasylaryńyzda qaıǵy-muń bolmasyn…,»- dep jazdy ánshi.
Esterińizge sala keteıik, osydan birneshe kún buryn qazaqty kúlli álemge tanytqan Dımashtyń atasy, qadirli aqsaqal - Qudaıbergen ata baqılyq bolǵan edi.
Dımash Qudaıbergen kishkene kúninen ata-ájesiniń qolynda ósip, tárbıesin alǵan , sol sebepti atasyn «Áke» dep ataıdy.