QR Premer-Mınıstri Almatydaǵy Hyundai Trans Almaty zaýytynda boldy.
Álıhan Smaıylov mektep kóliginiń senimdiligi men qaýipsizdigin ózi tekserdi, dep habarlaıdy Almaty-akshamy.kz
Almaty ákiminiń orynbasary Ásem Núsipova Úkimet basshysyna bıyl 7700 balaǵa arnalǵan "Mektep avtobýsy" pılot jobasy iske qosylǵanyn aıtty.
Avtobýs baǵyttary múmkindiginshe kóp oqýshyny mektepke deıin tasymaldaý úshin jasalǵan.
"Balalardy túsirý jáne kelý-ketý ýaqytyn kórsetetin arnaıy aıaldamalar bar. Aıaldamalarda beınebaqylaý kameralary ornatylǵan. Ár baǵytta turatyn muǵalimder jolserik retinde balalardy demep jiberedi", - dedi Ásem Núsipova.
- Qalalyq utqyrlyq basqarmasy 30 mektep avtobýsyn naýryz aıynda, al qalǵan 70 avtobýsty mamyr aıynda jetkizýdi josparlap otyr, - dedi ol. Bul maqsattarǵa barlyǵy 5,2 mlrd teńge bólindi.
Hyundai Trans Almaty dırektory Ádilbek Gaev avtobýstar kúsheıtilgen qaýipsizdik júıesi bar tehnıkalyq reglamentterdiń barlyq standartyna sáıkes keletinin, sonyń arqasynda kólik 60 km/saǵ jyldamdyqpen júrmeıtinin aıtty.
Aıta ketý kerek, zaýyt 2011 jyldan beri avtobýs, reanımobıl, borttyq júk kóligi, ızotermıalyq jáne daıyn taýar fýrgony, refrıjerator, órt sóndirý mashınasy, qoqys tasıtyn, sý tasıtyn kólikter, evakýatorlar jáne basqa da jolaýshy, júk, shaǵyn, orta kólikterge arnalǵan arnaıy tehnıkalar shyǵarady.
Zaýyt 2022 jyldyń jeltoqsan aıynan bastap mektep avtobýstaryn qurastyra bastady. Búginde segizge jýyq Golden Dragon avtobýsy shyǵaryldy.