Keln qalasyndaǵy nemis avıasıa jáne kosmonavtıka ortalyǵy jańa jáne qyzyqty zertteý bastady. Ǵalymdar áýe operatorlarynyń jumysyna Jasandy ıntellekttiń áseri men olardyń sharshaý deńgeıiniń qalaı ózgeretinin anyqtaýdy maqsat etken. Bul zertteý úshin arnaıy eriktiler izdestirilýde, dep habarlaıdy aqshamnews.kz
Zertteý barysynda qatysýshylarǵa tórt kún boıy ártúrli uıqy rejımderinde bolý usynylady. Tórt kúnniń bir túninde eriktiler múlde uıyqtamaı, densaýlyq pen sharshaý deńgeıine áserin tekserýge múmkindik beredi. Zertteýge qatysatyn adamdar 18-40 jas aralyǵyndaǵy, densaýlyǵy jaqsy, zıandy ádetteri joq jáne nemis tilin erkin meńgergen bolýy qajet.
Zertteý nátıjesinde qatysýshylarǵa 500 eýro kóleminde tólemaqy beriledi.
Avıasıa salasynyń bolashaǵy Jasandy ıntellektpen tyǵyz baılanysty
Bul zertteý aeroǵarysh jáne avıasıa salasynyń bolashaǵyn ózgertýi múmkin. Ǵalymdar LOKI jobasy aıasynda sıfrly ushqyshtar men áýe dıspecherleriniń jańa prototıpterin ázirleýdi josparlap otyr. Jasandy ıntellekttiń áýe qaýipsizdigi men basqarý júıesindegi róli artyp kele jatqandyqtan, zertteý nátıjeleri bul salanyń tıimdiligin arttyrýǵa úlken septigin tıgizýi múmkin.
Ǵylym men tehnologıanyń damýy, sondaı-aq Jasandy ıntellekttiń keńinen qoldanysqa enýi aldaǵy jyldary avıasıa salasyn jańa deńgeıge kóteredi dep kútilýde.