Qazaqstanda «Baılanys qyzmetterin kórsetý qaǵıdalaryn bekitý týraly» buıryqqa ózgerister engizýge daıyndyq júrgizilip jatyr.
Ashyq quqyqtyq aktiler saıtynda tıisti qujat jobasy paıda boldy, - dep habarlaıdy Almaty-akshamy.kz Tengrinews.kz-ke silteme jasap.
Qashyqtan uıaly baılanys qyzmetin kórsetýge kelisim-shart jasasý úshin olar qazaqstandyqtardy ózderiniń bıometrıalyq derekterin, bet beınesin usynýdy mindettedi. Bul joba abonenttik nómirdi bóten esimge tirkeıtin qylmyskerlerdiń jolyn kesý maqsatynda engizilmek.
Tıisti buıryq jobasy 3 tamyzǵa deıin qoǵamdyq talqylaýda bolady.
Qazaqstan Respýblıkasynyń sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın qazaqstandyqtardyń uıaly telefon nómirlerin bıometrıalyq derektermen baılanystyrýǵa bolatynyn bir jyl buryn málimdegen edi.
«Biz uıaly telefondy tirkeý kezinde bıometrıalyq sáıkestendirýdi júrgizemiz. Bir adamǵa nómirlerdiń somasy resimdeledi, olar shetelge shyǵarylǵanda alaıaqtar sol arqyly alaıaqtyq áreketterdi jasaı bastaıdy. Buǵan jol bermeý úshin biz qazir normatıvtik qujattarǵa qajetti ózgerister engizip jatyrmyz. Tehnıkalyq turǵydan daıynbyz. Kórip otyrǵanyńyzdaı, bıometrıalyq sáıkestendirý barlyq jerde qoldanylady», - dedi mınıstr Baǵdat Mýsın.
Eske sala keteıik, 2019 jyldyń 1 qańtarynan bastap elimizde IMEI kody + SIM kartasy + jeke JSN sqemasy boıynsha qurylǵylardy mindetti tirkeý erejeleri kúshine endi. Qazaqstandyqtardyń árbir qurylǵysy oǵan ornatylǵan SIM kartasyna avtomatty túrde qosylady.