2023 jyldyń basynan sheteldikterden jergilikti búdjetke týrısik jarna esebinen túsken qarajat somasy 314 mıllıon teńgege jýyqtady.
Týrısik jarna túsimi boıynsha kósh basynda Almaty qalasy, dep habarlaıdy Almaty-akshamy.kz. Ońtústik megapolıske jalpy somanyń 86%-y nemese 270,6 mln teńge tıesili. Ekinshi orynda 37,7 mln teńgeden artyq týrısik jarna jınaǵan Astana qalasy.
Týrısik jarna tóleý álemdik tájirıbe ekenin eskersek, sheteldikter úshin bul jańalyq emes. Týrısik jarna - hostel, jalǵa beriletin baspanalardan bólek ornalasý oryndarynda bolǵan árbir táýlik úshin týrıserden alynatyn tólem.
Týrısik jarna mólsherin jergilikti ákimdikter belgileıdi. Qarajat ta jergilikti atqarýshy organdardyń búdjetine túsedi.
«Týrısik jarnadan túsken qarajat týrısik ınfraqurylymdy damytýǵa, aýmaqtardy abattandyrýǵa, týrısik múmkindikterdi ilgeriletý boıynsha is-sharalardy iske asyrýǵa baǵyttalýy kerek. Bul óńirlerge keletin týrıserdiń sanyn arttyrýǵa yntalandyratyn bolady»,-dedi QR MSM Týrızm ındýstrıasy komıtetiniń tóraǵasy Dastan Ryspekov.