Bul jóninde olar resmı saıttarynda habarlaı bastady.
Tamyz aıynda uıaly baılanys operatorlary tarıfterdiń baǵasyn kóteredi, dep habarlaıdy Almaty-akshamy.kz
"Qazaqtelekom" AQ 2023 jylǵy 1 tamyzdan bastap muraǵattyq tarıfter jelisiniń keıbir tarıftik josparlary boıynsha tarıfterdiń kóterilgeni týraly habarlady.
Activ.kz uıaly baılanys operatory da 2023 jylǵy 8 tamyzda "Shynaıy sheksiz muraǵattyq", "Sýper Komfort muraǵattyq", "Suhbat muraǵattyq" tarıfteri boıynsha tólem jańartylatynyn málimdedi.
"Birqatar faktorlarǵa, sonyń ishinde ekonomıkalyq jaǵdaıǵa baılanysty biz tarıftik josparlardyń baǵasyna kishigirim ózgeris engizý týraly sheshim qabyldaýǵa májbúrmiz. Bul sizdiń qarajatyńyzǵa áser etýi múmkin ekenin túsinemiz, sondyqtan biz qosymsha resýrstar men qyzmetter túrinde ótemaqy usynamyz. Bul ózgerister ınfraqurylymǵa negizdelgen shyǵyndardyń ósýimen, jańa tehnologıalardyń iske qosylýymen jáne damýymen, álemdik logıstıkalyq tizbekterdiń quldyraýy, ınflásıa, elektr energıasynyń qymbattaýy, jańa tehnologıany engizý úshin joǵary jıilik quny jáne kompanıamyz úshin syn-qaterler týdyrǵan basqa da jaǵdaılarmen baılanysty. Sondyqtan biz qyzmetterdiń turaqtylyǵyn qamtamasyz etý jáne sizge odan da ozyq tehnologıalar men qyzmetterdi usyný úshin tarıfterimizdiń baǵalaryn qaıta qaraýdy sheshtik", – delingen Tele2 jarıalaǵan habarlamada.
Beeline da 2023 jylǵy 15 tamyzdan bastap kúndelikti paket quny ózgeretinin habarlady.