Bul týraly Almaty qalalyq sotynyń baspasóz qyzmeti habarlady.
Ánshi 7 jylǵa kólik júrgizý quqyǵynan aıyryldy, dep habarlaıdy Almaty-akshamy.kz
Bul habardy ánshiniń advokaty Elnur Kishkenebaeva da áleýmettik jelige jazdy.
«Tóreǵalı uldaryńyz bostandyqqa shyqty. Barsha qoldap, qorǵaǵan oqyrmandarǵa myń alǵys! Bári jaqsy, ýaıymdaǵandaryńyz úshin raqmet aıtamyn!», - dep jazdy ol.
14 maýsym kúni ánshi Almatyda polıseılerge boı bermeı, oqıǵa ornynan qashyp ketkisi kelgen edi. Sodan keıin patrúldik polısıa qyzmetkerleri Tóreǵalı Tóráli júrgizgen avtokólikti qýyp jetip, ánshini túsirip alyp, medısınalyq saraptama jasatqan. Sonyń nátıjesinde ánshiniń esirtki qoldanǵany rastaldy. Sol kúni ol ákimshilik jaýapqa tartyldy.
Sosyn 20 táýlikke qamaýǵa alynyp, 7 jylǵa kólik júrgizý quqyǵynan aıyryldy. Odan keıin ızolátordaǵy 20 kúndik jazasyna taǵy úsh kún qosyldy.
3 shildede áleýmettik jelide ánshiniń kólik júrgizgeni týraly aqparat tarady. Dál sol kúni Tóreǵalı Tóráliniń qamaýdaǵy merzimi taǵy 15 kúnge uzartyldy.