Otandyq naryq monopolıadan tolyq arylǵan ýaqytqa deıin uıaly baılanys qyzmetteriniń baǵasyn memleket retteýi múmkin.
Mundaı usynys Ashyq NQA portalynda jarıalanǵan «QR keıbir zańnamalyq aktilerine básekelestik máseleleri boıynsha ózgerister men tolyqtyrýlar engizý týraly» QR Zańynyń jobasyna retteýshi saıasattyń konsýltatıvtik qujatynda kóterilgen, dep habarlaıdy Almaty-akshamy.kz.
«QR Kásipkerlik kodeksiniń 116-baby 3-tarmaǵy 14-tarmaqshasyna sáıkes, memleket qoǵamdyq mańyzy bar naryqtardaǵy kásipkerlik sýbektileriniń taýarlaryna, jumystaryna, qyzmetterine baǵalar men tarıfterdi retteıdi», - delingen qujatta.
Alaıda, Básekelestikti qorǵaý jáne damytý agenttiginiń kvazımemlekettik sektorǵa jatatyn uıaly baılanys operatorlarynyń qyzmetterine baǵa belgileý quqyǵy joq, -dep jazdy QazAqparat.
Vedomstvo dereginshe, baılanys tarıfteriniń kúrt qymbattaýyn boldyrmaý jáne onyń aldyn alýǵa osy shekteý kedergi bolyp otyr. Sondyqtan uıaly baılanys operatorlarynyń qyzmetine memleket tarapynan baǵa belgileý usynyldy.
«Kvazımemlekettik sektor qatysatyn naryqtarda baǵa belgileýdiń ashyqtyǵy kezinde naryqty tolyq monopolıasyzdandyrý sátine deıin uıaly baılanys qyzmetterine baǵalardy memlekettik retteýdi engizý usynylady», - dep jazylǵan konsýltatıvtik qujatta.
Bul bastama 28 shildege deıin kópshilik talqylaýda bolady.
Qosa ketsek, byltyr óziniń mindettemesine saı sapaly qyzmet kórsetpegen uıaly baılanys operatorlaryna 3,4 mlrd teńge aıyppul salynǵan.