Bolashaǵyn oılaǵan el jolyn jóndeıdi

Elimizdiń basqa óńirlerinen kóri, megapolıs Almaty halqynyń kóp ýaqyty jolda ótedi. Jol – qaınaǵan ómir. Sondyqtan joldyń qadirin bárimiz túsinemiz. Ásirese, megapolıs turǵyndary jolǵa erekshe mán beredi. Almatylyqtar aldymen joldyń sapaly bolǵanyn qalaıdy. Alaıda sol joldy salýshy kompanıalar jumystaryna salǵyrt qaraýdyń arqasynda qala turǵyndarynyń júıkesine salmaq túsiredi.
 
«Qarǵys alma, alǵys al», - degen babalarymyz. Ár isimiz alǵys alarlyqtaı bolsa ǵoı, shirkin! Kóktem shyqqannan bastap Almaty kóshelerinde jóndeý jumystaryna baılanysty keptelis bastalady.  Jylda bir kórinis, Nege? Óıtkeni, jol jóndeýshi kompanıalar sapaǵa mán bermeýde. Búgingi tańda jol sapasyna jaýapty «Jol aktıvteriniń ulttyq sapa ortalyǵy» jaýapsyz merdigerlerdi tártipke shaqyryp otyrady. Atalǵan ortalyqtyń Almaty fılıalynyń basshysy Asqat Úsenovpen jol sapasyna qatysty áńgimelesken edik. 
- Bolashaǵyn oılaǵan el jolyn jóndeıdi. Búgingi tańda qala ákimi Erbolat Dosaev jol sapasyna erekshe mán berip keledi. Shynynda burynyraq, aldymen jol jasalyp, artynan komýnaldyq jeliler júrgiziletin. Nátıjesinde jol sapasy buzylatyn. Qazirgi kezde aldymen komýnıkasıalardy júrgizip alyp, artynan jol jabyndysy tóseletin boldy. Demek, jol jóndeýshi kompanıa óz jumysyna salǵyrt qaraýǵa negiz joq. 
Qala ákiminiń usynysymen búgingi tańda jol jóndeý, kógaldandyrý máselesine bólinetin qarjyny aýdandarǵa bólip berdi. Bul óte tıimdi. Endi bul jaǵynan aýdan ózi sheshim shyǵaryp, jol sapasyna kóńil bólýi tıis. Osy rette qala basshylyǵy bizge jol sapasyn tekserýge nemese baqylaýǵa alýdy senip tapsyrdy. Óıtkeni, bizdiń ortalyq tikeleı jolǵa qatysty. Bizde arnaıy zerthana bar. Onda tóselgen asfálttyń quramyn, taptaý kezindegi qysymdy da bilýge bolady. Sondyqtan búgingi tańda qalanyń árbir aýdanymen kelisimshart jasalýda. Ázirge Áýezov, Alataý, Almaly aýdandary bizben kelisimshartqa otyrýǵa qulyqsyzdyq tanytyp otyr. Qalǵan aýdandar bizge ózderi qaı jerde qandaı jol salyp jatqany týraly aqparat beredi. Biz sol boıynsha jóndeý júrgizip jatqan kóshelerge baryp, jumystyń sapaly nemese kemshin ketip jatqanyn anyqtaımyz. Sonan keıin ákimshilikke ıaǵnı tapsyrys berýshige hat jazyp joldaımyz. 
-Tehnıkalyq qadaǵalaýshy qyzmeti de memlekettik satyp alý portalynda joldanatyn. Ony utyp alǵan kompanıa qadaǵalaýshy edi. Endi olardyń jumysy qysqardy ma?
-Joq qysqarǵan joq. Ol zańǵa sáıkes júrgizile beredi. Tek keıingi kezderi tehnıkalyq qadaǵalaýshy júrgizilip jatqan jumystyń basynda bolmaıdy. Nátıjesinde jumys óz deńgeıinde júrmeıdi. Mine, bizdiń mamandar osyndaı kemshilikterdi hatta kórsetip tıisti oryndarǵa joldaımyz. 
- Bıylǵy jylǵa jaýapqa tartylǵan kompanıalar bar ma?
- Jańa sóz etken boıynsha aldymen aýdandarmen kelisimshartqa otyrýymyz kerek. Kelisimshartqa otyrǵan aýdandarda jumystar endi bastaldy. Sondyqtan jumysyna salǵyrt qaraǵan kompanıalardy jaýapqa tartatyn bolamyz. 
Ýaqyt bólip arnaıy suqbat bergenińizge rahmet! Jumysyńyzǵa sáttilik tileımiz!