QR Mádenıet jáne aqparat mınıstrligi 2025 jylǵy 1 qańtardan bastap, ótken 2024 jyl boıynsha úkimettik emes uıymdardyń qyzmeti týraly málimetterdi «ÚEU Derekqoryna» usynýdyń kezekti merzimi bastalǵanyn eske salady.
«Komersıalyq emes uıymdar týraly» Qazaqstan Respýblıkasy Zańynyń 41-babynyń 5-tarmaǵyna sáıkes málimetter jyl saıyn 31 naýryzǵa deıin usynylady, dep habarlaıdy aqshamnews.kz Mádenıet jáne aqparat mınıstrligine silteme jasap.
«ÚEU Derekqorynda» bolý Qazaqstandaǵy otandyq jáne sheteldik ÚEU qyzmetiniń ashyqtyǵyn qamtamasyz etedi, sondaı-aq azamattarǵa, túrli uıymdarǵa (donorlarǵa) jáne memlekettik organdarǵa úkimettik emes uıymdardyń qyzyqty jáne tabysty jobalarymen tanysýǵa múmkindik beredi.
«ÚEU Derekqoryna» málimet usyný memlekettik áleýmettik tapsyrys jáne memlekettik granttar sheńberinde áleýmettik baǵdarlamalardy jáne (nemese) áleýmettik jobalardy iske asyrýǵa, sondaı-aq ÚEU úshin syılyq alýǵa arnalǵan konkýrsqa qatysý úshin mindetti shart.
Málimetter Úkimettik emes uıymdarymen óz qyzmeti jónindegi málimetterin usyný jáne olar týraly derekqordy qalyptastyrý Qaǵıdalaryna sáıkes usynylady (Qazaqstan Respýblıkasy Aqparat jáne qoǵamdyq damý mınıstriniń 2022 jylǵy 21 qyrkúıektegi № 402 buıryǵy. Qazaqstan Respýblıkasynyń Ádilet mınıstrliginde 2022 jylǵy 22 qyrkúıekte № 29765 bolyp tirkeldi).
Siz óz uıymyńyzdyń qyzmeti týraly málimetterdi «ÚEU Derekqorynyń» https://infonpo.gov.kz/ ınternet-portaly arqyly (eseptilik infonpo.gov.kz saıtynan avtomatty túrdegi qaıta baǵyttaý arqyly jańa esep.govtec.kz platformasynda júzege asyrylatyn bolady) jibere alasyz.
«ÚEU Derekqoryna» málimetterdi usynbaýdy, ýaqtyly usynbaýdy jáne anyq emes nemese kórineý jalǵan málimetterdi usynýdy Qazaqstan Respýblıkasynyń zańnamasyna sáıkes ákimshilik jaýapkershilikke tartý kózdelgen.
«ÚEU Derekqorynyń» https://infonpo.gov.kz/ ınternet-portalyna kirgen kezde Siz portalda óz qyzmeti týraly málimetterdi toltyrý boıynsha
qadamdyq algorıtm berilgen beıne nusqaýlyqpen tanysa alasyz - https://esep.govtec.kz/video.mp4.
Suraqtar paıda bolǵan jaǵdaıda, óńirdiń ishki saıasat bólimderiniń, sondaı-aq QR MAM jáne «Sıfrlyq úkimetti qoldaý ortalyǵy» SHJQ RMK-nyń qyzmetkerlerimen kelesi málimetter arqyly baılanysa alasyz:
«ÚEU Derekqory» QR MAM – Oljabaeva Shyryn Amanbekqyzy, 74-04-28, sh.olzhabaeva@mki.gov.kz.
Tehnıkalyq qoldaý «SÚQO» SHJQ RMK - center@govtec.kz.