2021 jylǵy qańtar-mamyrdaǵy QR áleýmettik-ekonomıkalyq damýy qarqyn alýda.
Búgin Premer-mınıstr Asqar Mamınniń tóraǵalyǵymen ótkizilgen Úkimet otyrysynda Ulttyq ekonomıka mınıstri Áset Erǵalıev 2021 jylǵy qańtar-mamyrdaǵy QR áleýmettik-ekonomıkalyq damý qorytyndylary týraly baıandady, dep habarlady Almaty-akshamy.kz. QR ekonomıka mınıstrliginiń saıtyna silteme jasap.
«Aǵymdaǵy jylǵy qańtar-mamyrda ekonomıkany qalpyna keltirýdegi ósý 1,6%-ke jedeldedi. Aǵymdaǵy jylǵy 5 aıda taý-ken óndirý ónerkásibin esepke almaǵanda, naqty sektordaǵy ósim 7,4%-ti qurady», - dedi Á.Erǵalıev.
Qyzmet kórsetý sektoryn jandandyrý jalǵasýda, ekonomıkanyń óndirmeıtin salalarynda joǵary ınvestısıalyq belsendilik saqtalýda. İshki suranystyń turaqtanýy aıasynda qyzmet kórsetý salasynyń ósýi 0,8%-ke jedeldedi.
Sondaı-aq ósý qarqyny mashına jasaýda - 21,1%, avtomobıl jasaýda - 26,4%, farmasevtıkada - 25,7%, qurylys materıaldary óndirisinde - 21,4%, kıim - keshek óndirisinde-19,3%, jıhaz jasaýda-18,2% jáne plasmassa buıymdary óndirisinde-17,3%-ke artty.
Investısıaǵa kelsek, taý-ken ónerkásibin esepke almaǵanda, negizgi kapıtalǵa salynǵan ınvestısıanyń ósýi 25,5%-ti qurady. Eń joǵary kórsetkishter qurylysta - 2,3 ese, óńdeý ónerkásibinde - 82%, aqparat jáne baılanys salasynda-53%-ke baıqalady.
UEM basshysy habarlaǵandaı, qańtar-sáýirde syrtqy saýda taýar aınalymy 28,1 mlrd dollardy qurady, onyń ishinde eksport – 16,7 mlrd dollar. Bul rette óńdelgen taýarlar eksporty 16,2%-ke 5,4 mlrd dollarǵa deıin ósti, taýarlar ımporty 11,4 mlrd dollardy qurady. Osylaısha, 5,3 mlrd dollar deńgeıinde oń saýda balansy qamtamasyz etildi.
2021 jylǵy 5 aıda oryndalǵan qurylys jumysy kólemi 11,3%-ke ósti. 4,6 mln sharshy metr turǵyn úı paıdalanýǵa berildi. Bul ótken jylǵy sáıkes kezeńmen salystyrǵanda 12,5%-ke joǵary. Budan basqa, aýyl sharýashylyǵy kólemi 3,1%-ke ósti.
UEM basshysy eldiń makroekonomıkalyq turaqtylyǵyn saqtaý úshin ortalyq jáne jergilikti atqarýshy organdar ınvestısıalyq jobalar pýly sheńberindegi jobalardy belsendi iske asyrýǵa, kásipkerlerdi qoldaý quraldaryn tıimdi iske asyrýdy qamtamasyz etýge nazar aýdarýy qajet ekenin atap ótti. Sondaı-aq satyp alýlarda qazaqstandyq qamtý úlesin ulǵaıtý, «Eńbek» jáne «Jumyspen qamtýdyń jol kartasy» baǵdarlamalary sheńberinde jobalardy iske asyrý, tutyný taýarlary baǵalarynyń serpindi monıtorıńi jáne tıisti turaqtandyrý sharalaryn qabyldaý sharalaryn kúsheıtý qajet.