Ulttyq biryńǵaı testileýdi elektrondy formatqa aýystyrǵannan keıin test tapsyrýshylarǵa kálkýlátor, Hımıalyq elementterdiń perıodtyq júıesi jáne tuzdardyń erigishtik kestesi qoljetimdi boldy. Sonyń nátıjesinde olar testileý baǵdarlamasyna engizilgen.
«Ózderińizge belgili, «Hımıa» pánin tapsyrýshylarǵa kompúterde Hımıalyq elementterdiń perıodtyq júıesi jáne tuzdardyń erigishtik kestesi usynylady. Sondaı-aq, ótken jyldan bastap kestelerdiń qaǵaz nusqasy usynylady. Ony testileý ákimshileri UBT tapsyratyn aýdıtorıada beretin bolady. Iaǵnı, testke qatysýshylar ózderimen birge alyp kelmeıdi. Osylaısha, talapkerler kestelerdiń elektrondyq formatyn da, qaǵaz formatyn da qoldana alady», - dep atap ótti QR ǴJBM Ulttyq testileý ortalyǵynyń dırektory Rýslan Emelbaev.
Esterińizge sala keteıik, testileý kezinde barlyq talapker úshin testileý baǵdarlamasynda «Matematıkalyq saýattylyq», «Matematıka», «Informatıka», «Fızıka», «Hımıa» jáne «Geografıa» pánderi boıynsha esepterdi sheshýge arnalǵan arnaıy kálkýlátor bolady.
Testileý aıaqtalǵannan keıin ár pán boıynsha taqyryptyq taldaý usynylady. Bul tek testileý nátıjelerimen tanysyp qana qoımaı, kelesi UBT-ǵa jaqsy daıyndalýǵa múmkindik beredi.