Elordada «ÁTJ» JAQ (Ázirbaıjan) jáne iri otandyq eksporttaýshylardyń qatysýymen «QTJ» UK» AQ-nyń uıymdastyrǵan halyqaralyq dóńgelek ústel ótti.
İs-sharada otandyq eksporttaýshylardyń júkterin álemdik naryqtarǵa barynsha jyldam jáne ekonomıkalyq turǵyda tıimdi jetkizýge múmkindik beretin Transkaspıı halyqaralyq kólik baǵdarynyń (THKB) artyqshylyqtary men múmkindikteri talqylandy, dep habarlaıdy Almaty-akshamy.kz
Dóńgelek ústelge qatysýshylar – qazaqstandyq bıznesti, eksporttaýshylardy (taý-ken óndirý, munaı-hımıa, agrarlyq jáne basqa da ónimder) tanystyrdy, iri júk jóneltýshiler óz suraqtaryn tikeleı qoıa aldy, usynystar engizdi jáne júk tasymaldaryn uıymdastyrýdaǵy ózara is-qımyldyń, THKB boıynsha tasymaldardy damytýdyń negizgi máselelerin talqylaı aldy.
Jalpy, is - sharanyń kún tártibi aýqymdy boldy – júk tarıfteri men nomenklatýralarynan basqa, kedendik resimdeý, keme partıalary, spottyq naryqtar, bırjalyq baǵa belgileýler, eksporttaýshylardyń ónimdi tasymaldaýǵa jumsaıtyn shyǵyndaryn azaıtý jáne basqa da máseleler qozǵaldy. Sóz sóılegender kedendik rásimderdi jetildirý, kólik-logıstıkalyq sektordy jańǵyrtý, halyqaralyq dálizde kólik qyzmetterin sıfrlandyrý, logıstıkalyq saıasatty qalyptastyrý jáne iske asyrý týraly aıtty.
Eksporttaýshylar QTJ-nyń otandyq óndirýshilerdi qoldaý boıynsha júrgizip jatqan saıasatynyń arqasynda kóptegen kásiporyndar óz ónimderin alys qashyqtyqqa jetkize bastaǵanyn atap ótti. Ol úshin QTJ THKB-nyń «jumsaq jáne qatty ınfraqurylymyn» damytý, Qazaqstan aýmaǵynda da, elden tys jerlerde de logıstıkalyq qyzmetter servısin arttyrý boıynsha jumystardy belsendi júrgizedi.
«THKB boıynsha 2023 jyly júkterdi tasymaldaý 2,8 mln tonnany qurap, 2022 jylmen salystyrǵanda 86% ósti (ósim 1,5 mln tonna). Búgingi tańda baǵdar básekege qabiletti jetkizý merzimin usynady – ortasha eseppen 12 kún. Orta merzimdi perspektıvada biz dáliz boıynsha júk tasymaldaý kólemin 10 mln. tonnaǵa deıin jetkizýge múddelimiz», - dep atap ótti «QTJ» UK» AQ Basqarma tóraǵasynyń logıstıka jónindegi orynbasary Erlan Qoıshybaev.
Júk jóneltýshiler, eksporttaýshylar jumysta oń nátıjelerge qol jetkizý úshin óz suraqtary men usynystaryn aıtty.
Sonymen qatar, Ázirbaıjan temirjolshylarynyń Qazaqstanǵa sapary aıasynda «QTJ» UK» AQ ókilderimen, qazaqstandyq eksporttaýshylarmen, logıstıkalyq kompanıalarmen jáne júk jóneltýshilermen birqatar jumys kezdesýleri men kelissózder bolyp ótti.