Kelesi jyldan bastap UBT formaty men suraqtar mazmuny ózgeredi
Kelesi jyldan bastap ulttyq biryńǵaı testileý jańa formatqa kóshiriledi. Sonymen qatar jańa sıpatta suraqtar daıarlaıtyn mamandar oqytylady. Atalǵan jańashyldyqpen Ǵylym jáne joǵary bilim mınıstri Saıasat Nurbek bólisti, dep habarlaıdy Almaty-akshamy.kz.
«UBT-ǵa qatysty eki problema bar. Aldymen suraqtardyń mańyzy. Shynyn aıtý kerek, onyń suraqtary formaldy. Adamdy oılaýǵa jáne onyń oılaý qabiletin tekserýge emes, jattaýǵa baǵyttalǵan. Bul máseleni qalaı sheshpekpiz? Búginde Kembrıdj ýnıversıtetimen birlesip UBT suraqtaryn túbegeıli túrde ózgertip jatyrmyz. Bıyl 350 test daıarlaıtyn maman oqytylyp, sertıfıkasıadan ótedi. Olar 5 myń jańa sıpattaǵy suraqtar ázirleıdi. Jańa formattaǵy test suraqtary SAT (Scholastic Assessment Test) halyqaralyq emtıhanyna uqsaıdy. Ol jerde aldymen balanyń oılaý qabileti nazarǵa alynady», - dedi Saıasat Nurbek.