Únemdeý qarapaıym turǵyndarmen qosa, bıznesten de qatty talap etilmek.
Ispanıada aýyzsýdy paıdalanýǵa qatań shekteý qoıylady, dep habarlaıdy Almaty-akshamy.kz 24.kz silteme jasap.
Eýropadaǵy klımattyq ózgerister sý tapshylyǵyna ákep soqtyrdy. Qurlyqty qurǵaqshylyq jaılap, aptap ystyq sý qoryn aıtarlyqtaı azaıtqan. Aldaǵy mamyr aıynda jaýyn shashyn az tússe, eldiń soltústigindegi Katalonıa aımaǵynda qurǵaqshylyq bolyp, tótenshe jaǵdaı jarıalaýy múmkin. Sondyqtan Úkimet aýyz sýǵa qatysty jańa shekteýlerdi engizbek.
Atap aıtqanda, turmys pen komersıalyq maqsatta sýdy tutyný qatań baqylanatyn bolady jáne sý berý qysymy tómendetiledi. Búginde bir turǵyn táýligine 317 lıtr sý tutynady eken, jańa shekteýlerge sáıkes tutyný kórsetkishi 180 lıtrge deıin qysqarmaq.
Únemdeý qarapaıym turǵyndarmen qosa, bıznesten de qatty talap etiledi. Máselen Barselonalyq pen osy qalaǵa kelgen týrısi salystyrsaq, saıahatshy sýdy bes ese kóp paıdalanady. Bul týraly memlekettik sýdy zertteý ınstıtýtynyń mamandary málim etti. Osyǵan baılanysty jergilikti bılik qonaq úılerdegi dýsh sýyn tazartyp, ekinshi ret qoldanýǵa múmkindik beretin rezervýarlarǵa ınvestısıa tartýdy talap etpek.
Jergilikti bıliktiń talabyna saı baseınderdiń tereńdigi endi 2 metrden aspaýy tıis. Qurylys kompanıalary da bul shekteýlerdi qatań eskerýi tıis.