UBT qatysýshylary úshin testileý nátıjelerine jeke taqyryptyq taldaý usynylady.
Derekter emtıhan aıaqtalǵannan keıin birden qoljetimdi bolady, bul testileýge daıyndyq sapasyn jaqsartýǵa baǵyttalǵan, dep habarlaıdy Almaty-akshamy.kz Ǵylym jáne joǵary bilim mınıstrligine silteme jasap.
«Testileýge daıyndyq sapasyn arttyrý maqsatynda 2022 jyly testileý nátıjelerine jeke taqyryptyq taldaýdy engizdi. Emtıhan aıaqtalǵannan keıin túlekter durys jáne burys jaýaptarmen ǵana emes, sonymen qatar UBT nátıjeleriniń tolyq taldaýymen de tanysa alý múmkindigine ıe. Iaǵnı, testilenýshiler jeke taqyryptar boıynsha ózderiniń álsiz jaqtaryn anyqtaı alady. Taldaý testileý aıaqtalǵannan keıin birden qoljetimdi bolyp, testilenýshiniń jeke kabınetinde saqtalady. Meniń oıymsha, taldaý negizgi UBT-ǵa daıyndalý barysynda erekshe mańyzǵa ıe boldy. Bul túlekterge ár pán boıynsha materıaldy ıgerý deńgeıin baǵalaýǵa, qatelik jiberilgen taqyryptardy tereń zertteýge kómektesedi. Taqyryptyq taldaý talapkerlerge basty emtıhanǵa sapaly daıyndalýǵa kómektesedi dep úmittenemiz», - dedi QR ǴJBM Ulttyq testileý ortalyǵynyń dırektory Rýslan Emelbaev.
Esterińizge sala keteıik, testileý týraly málimettermen talapkerler UTO saıtyndaǵy app.testcenter.kz Jeke kabınette nemese UTO qosymshasy arqyly tanysa alady.