Qazaqstanda bıylǵy UBT tapsyrý naýqany bastalyp ketti.
Osy kezge deıin 57 myń adam test tapsyrǵan. UBT kezinde saqtalýy tıis erejelerdi Ulttyq testileý ortalyǵy taǵy bir eske salyp ótti.
Máselen, synaq tapsyrýǵa kálkýlátor alyp barýǵa bolmaıdy, dep habarlaıdy Almaty-akshamy.kz QazAqparatqa silteme jasap.
«UBT-ǵa ózińizben birge kálkýlátor alyp kirýdiń qajeti joq. Bul áreket ereje buzý faktisi bolyp sanalady. Qańtar, naýryz, tamyz aılaryndaǵy UBT men negizgi UBT-da (mamyr-maýsym) kálkýlátor testileý kompúterinde bolady. Aıta keteıik, sizder kálkýlátordan bólek kompúter ekranynan Mendeleev jáne tuzdar erigishtigi kestesin, Beketov tizbegin taba alasyz», - delingen ortalyq habarlamasynda.
Túlekterdiń 74% – qazaq tilinde, 25% - orys tilinde, 37 adam aǵylshyn tilinde testileýden ótti.
Ǵylym jáne joǵary bilim mınıstrliginiń málimetinshe, UBT bastalǵaly shekti baldy 78% jýyq talapker jınady. Ortasha bal - 70.
Aıta keteıik, talapkerler testileý aıaqtalǵannan keıin 30 mınýt ishinde apelásıaǵa bere alady.
Sertıfıkat apelásıa týraly sheshim qabyldanǵannan keıin testilenýshiniń jeke kabınetinde jarıalanady.