Ulttyq testileý ortalyǵynyń dırektory Rýslan Emelbaev bıyl UBT erejelerin buzý 4 ese azaıǵanyn aıtty, dep habarlaıdy Almaty-akshamy.kz QazAqparatqa silteme jasap.
«Testileý qorytyndysy boıynsha, 103 myńnan astam talapker shekti bal jınady. Bul qatysýshylardyń jalpy sanynyń 67%-yn quraıdy. Ótken jylmen salystyrǵanda, bul kórsetkish 7% joǵary. Testilenýshilerdiń 51 myńǵa jýyǵy (33%-y) shekti bal jınaı almady. UBT ortasha baly - 66. Bıyl eń joǵary bal – 139. 3179 oqýǵa túsýshi 120 baldan joǵary jınady», - dedi ol Ortalyq komýnıkasıalar qyzmetinde ótken brıfıńide.
Sondaı-aq, ol UBT-ǵa tyıym salynǵan zattardy kirgizý áreketteri men UBT erejelerin buzý sany birshama azaıǵanyn málim etti.
«Máselen, byltyr 756 túlek UBT-ǵa tyıym salynǵan zattardy alyp ótýge tyryssa, bıyl 327 jaǵdaı tirkeldi. Bul 2020 jyly ereje buzýǵa tyrysqan qatysýshylardy testileýge jibermeý týraly normanyń engizilýi men árbir testilenýshi úshin frontaldy kamera ornatýǵa baılanysty. Testileý kezinde ereje buzǵany úshin 322 adam aýdıtorıadan shyǵarylyp, nátıjesi joıyldy. Kórsetkish 4 ese tómendegen. Sebebi 2021 jyly aýdıtorıadan 1305 adam shyǵarylǵan bolatyn»,- dedi Rýslan Emelbaev.
Aıta keteıik, buǵan deıin UBT-ǵa oqýshylardyń shpargalka, telefon alyp kirgeni habarlanǵan edi.