Qurban aıt shildeniń 9-y kúni bastalyp, úsh kúnge jalǵasady.
Megapolıste bıyl qurbandyq shalýǵa 13 oryn belgilendi. Bul týraly brıfıń barysynda Almaty qalasynyń bas ımamy Ospan Tólebı aıtty, dep habarlaıdy Almaty-akshamy.kz.
Almatyda qurbandyq shalý rásimi oflaın jáne onlaın rejıminde ótedi.
«Almaty qalasynyń ákimdigi tarapynan oflaın formatta qurbandyq shalýǵa jáne mal satýǵa ruqsat etilgen qala aýmaǵynda arnaıy 13 oryn bekitildi»,- deıdi Almaty qalasynyń bas ımamy Ospan Tólebı.
Atap aıtar bolsaq, Alataý aýdany boıynsha
– Myrzahmet meshiti, Ásker ata meshiti, Alǵabas meshiti, Ál-ázım meshiti;
- Bostandyq aýdany boıynsha – Baqytkeldi meshiti;
- Medeý aýdany boıynsha – Amanqul ata meshiti, Fatıma meshiti, Raıymbek batyr meshiti;
- Naýryzbaı aýdany boıynsha – Qalqaman meshiti, Qaraǵaıly meshiti jáne Taýsamaly bazary;
- Túrkisib aýdany boıynsha – Qaırat meshiti;
- Jetisý aýdany boıynsha – Voınah meshiti.
Qurban Aıt - musylmandardyń eń mańyzdy merekeleriniń biri, ol Oraza aıaqtalǵannan keıin 70-shi kúni toılanady. Bıyl Qurban aıt shildeniń 9-y kúni bastalyp, úsh kúnge jalǵasady. Buǵan deıin Qurban aıtta Almatynyń ortalyq meshitinde spartakıada ótetini týraly jazǵan bolatynbyz.