Májilis kezinde Ǵylym jáne joǵary bilim mınıstri Saıasat Nurbek osy jyly bolǵan UBT-daǵy ózgerister týraly aıtty.
Mınıstrlik 2024 jyly úlken ózgerister jasamaýǵa sheshim qabyldaǵan. Onyń ishinde emtıhan uzaqtyǵyn qysqartpaıdy. Sondaı-aq talapkerlerge bes ret emtıhan tapsyrýǵa múmkindik beriledi, dep habarlaıdy Almaty-akshamy.kz.
«Esterińizde bolsa buryn barlyǵy bir kúnde bolatyn, oıǵa salmaq túsip, synaqtan súrindiń be, joq óttiń be, uttyń nemese utylldyń, ólim nemese ómir, bar nemese joq degen sheshim bir kúnde shyǵatyn. Osy jyly bizde bes kezeń bolady, onyń ekeýi aqyly túrde. Qańtar ótti, qazir naýryzda tapsyratyndar bastalady. Bala óz kúshin baǵamdaıdy, qaı jeri myqty qaı tusy osal ekenin baıqaıdy. Baıqap qarasańyz kóp adamnyń jınalýy, aıqaı-shý, ózine qol salý azaıǵan. Eki negizgi kezeń mamyr men maýsym aılarynda bolady. Eki kezeńniń kóp bal jınaǵan qorytyndysymen grantqa tapsyrýǵa bolady»,- dedi mınıstr.
Aldyńǵy kezeńderdi tapsyrýǵa úlgermegender úshin besinshi kezeń bar, ol jerde talapker aqyly bólimderge tapsyra alady nemese halyqaralyq ýnıversıtetterden nátıje kútedi.