Mınıstr UBT-2024-ke qatysty málimdeme jasady
Qazaqstan Respýblıkasynyń Ǵylym jáne joǵary bilim mınıstri Saıasat Nurbek Ulttyq biryńǵaı testileýge (UBT) qatysty málimdeme jasady, dep habarlaıdy almaty-akshamy.kz.
Ǵylym mınıstrliginiń basshysy óziniń Telegram-arnasynda bolashaq stýdentterge úndeý jarıalady.
"Sizder úshin UBT-2024 ózgerissiz qalatyndyǵyn qýana habarlaımyn. Testileýde sizder tek eki pán tapsyrasyzdar: Qazaqstan tarıhy (20 tapsyrma, shekti bal – 5) jáne Oqý saýattylyǵy (10 tapsyrma, shekti bal – 3). Tapsyrmalardy oryndaý ýaqyty – 70 mınýt. Al shyǵarmashylyq emtıhandar joǵary oqý oryndarynda ótedi", - dedi Saıasat Nurbek
Bul sheshim talapkerlerdiń qalaýy men beıindi vedomstvolardyń saraptamalyq pikiri negizinde qabyldandy.
"Qorytyndylaı kele, ótken jyly QR Ǵylym jáne joǵary bilim mınıstrligi negizgi UBT-ny eki ret tapsyryp, úzdik nátıjemen grant taǵaıyndaý konkýrsyna qatysý múmkindigin resmı túrde bekitkenin eske salamyn", - deıdi Saıasat Nurbek
Eger aqyly negizde túsý úshin UBT tapsyrýdyń taǵy úsh múmkindigi (qańtar, naýryz, tamyz) bar ekenin eskeretin bolsaq, onda 2024 jylǵy talapkerler testileýden bes ret óte alady.