Ol úshin ǵalymdar bótelkedegi sýdyń tanymal úsh markasynyń bes úlgisin zerttegen.
Iaǵnı bótelkedegi sýda bólshekterdiń sany lıtrine 110 000-nan 400 000-ǵa deıin ózgeretinin, ortasha eseppen 240 000-ǵa jýyq ekenin anyqtady.
Ortasha alǵanda, bir lıtr bótelkedegi sýdyń shamamen tórtten bir mıllıony nanoplastıkalyq bólshekter. Kózge kórinbeıtin usaq bólshekter qos lazerli mıkroskoptyń kómegimen anyqtalǵan.
Kolýmbıa jáne Ratger ýnıverıtetteriniń zertteýshileri tanymal úsh markanyń bótelkedegi sý úlgilerinen mıkroplastıkaǵa qaraǵanda nanoplastıkanyń 10-100 ese kóp ekenin anyqtady.
Ǵalymdar sý markalaryn atamaýdy jón kóredi, óıtkeni olar keńirek zertteý júrgizip, basqa brendterdiń úlgilerin zerttegisi keledi.
«Meniń aıtpaǵym, biz olardy [nanoplastıkalyq bólshekterdi] kórsek te, kórmesek te, olar bar. Sondyqtan olardyń qansha ekenin jáne olardyń qandaı ekenin bilsek jaqsy. Biraq men ózim ǵalym retinde toksıkologıalyq zertteý josparynda onyń óz aǵzama qanshalyqty zıandy ekenin bilý úshin kóbirek derekter alǵym keledi», - deıdi zertteýdiń jetekshi avtory Naısın Sán.
«Nanoplastıkalyq bólshekter densaýlyqqa zıan ba?» degen basty saýalǵa ǵalymdar áli de naqty jaýap tappady.
Sarapshylardyń pikiri jańa zertteý yqtımal táýekelderdi jaqsyraq túsinýge jol ashady degenge saıady, biraq ázirge olar bul týraly naqty aıtýǵa jáne dabyl qaǵýǵa áli erte dep sendiredi.