Bul baǵyttaǵy ádis tıimdirek qana emes, sonymen birge, ekologıalyq jaǵynan taza, ıaǵnı, qorshaǵan ortaǵa zıansyz.
Bul tehnologıa óz kezeginde jańartylatyn energıa kózderine kóshýge kóp kómektesedi, dep habarlaıdy Almaty-akshamy.kz.
Qytaıdyń bilikti mamandary tuzdy kólderden lıtııdi jyldam alýǵa bolatyn membrana oılap tapty. Qytaı ǵylym akademıasynyń málimetinshe, tehnologıa kómirtegi nıtrıdi negizinde jasalǵan. Materıal súzgi túri retinde paıdalanylady. Jańa membrana kómirtegi nıtrıdinen, ıaǵnı, krıstaldyq jáne amorfty túrdegi kómirtek pen azot qosylysynan turady. Bul «tor» dıametri 0,3 nm bolatyn keýekterdi tuzedi, ol qajetsiz túrlerdi buǵattaý kezinde ıondardyń ótýine múmkindik beredi.
Sondaı-aq, membrana quramynda joǵary magnıi bar lıtıdi jınaýǵa múmkindik beredi. Ǵalymdar qurylymnyń dızaıny lıtıı ıondarynyń birqalypty qozǵalysyn jeńildetetinin atap ótti. Bul tehnologıany jasaý kezinde ǵalymdar bıologıalyq ıondyq arnalarǵa arqa súıedi, ıaǵnı, ımıtasıalady. Lıý Jıan esimdi Sındao bıoenergıa jáne bıoprosess tehnologıasy ınstıtýtynyń profesory atap ótkendeı, lıtıı jańǵyrtpaly energıany damytýǵa múmkindik beretin negizgi elementterdiń birinen sanalady.
Atap aıtqanda, qazirgi tańda elektrmen júretin kólikterdiń keńinen qoldanysqa enýine baılanysty suranys artýda. Ǵalymdardyń jumysy tabıǵattaǵy zatty tıimdi alý jolyndaǵy qadam boldy. Sonymen qatar, jańa membrana lıtıı óndirýdiń qorshaǵan ortaǵa teris áserin barynsha azaıtady