Tutynýshylar komýnaldyq qyzmetter úshin 14 mlrd teńge qaryz
Bul jóninde Úkimet otyrysynda QR Indýstrıa jáne ınfraqurylymdyq damý mınıstri Beıbit Atamqulov aıtty, dep habarlaıdy Almaty-akshamy.kz QazAqparat caıtyna silteme jasap.
«Osy jyldyń qyrkúıeginde tutynýshylardyń komýnaldyq qyzmetter úshin bereshegi 14,4 mlrd teńgeni quraıdy 4 óńirde eń kóp debıtorlyq bereshek bar», - dedi mınıstr.
Sondaı-aq mınıstr Memleket basshysynyń Joldaýyn oryndaý maqsatynda taýar bırjalarynyń qyzmetin retteýdi jetildirý is-sharalar qabyldanǵanyn aıtty.
«Mınıstrlik óńirlik operatorlarǵa qoıylatyn talaptar bóliginde usynymdar ázirledi. Osy usynymdar negizinde ákimdikter óńirlik operatorlardy anyqtady. Olar qazirgi ýaqytta saýda-sattyqqa deldaldarsyz tikeleı qatysady jáne kómirdi sońǵy tutynýshyǵa, ıaǵnı halyqqa satady», - dedi Beıbit Atamqulov.