Elimizde Almaty ekonomıkalyq "donor" ispetti.
Jan jaqtan kelgender tabys taýyp, jaǵdaıyn jaqsartqysy keledi. Ońaı jerde tabys joq. Qansha tabys tapsańda adal bolǵany jón. Jan-jaǵyńa zıanyń tımeýi kerek. Aqsaı 4 yqsham aýdanynda oryn tepken «Terassa» degen káýaphana ıegerleri aqshaǵa qunyqqany sonsha turǵyndardyń shaǵymyn pysqyrmaǵan. Óıtkeni, káýaphanadan kúni-túni shyqqan tútinnen aınalasyndaǵy turǵyndar terezesin ashýdan qalǵan. Káýaphanadan shyqqan tútin kópqabatty úılerdiń arasyn tumshalap, turǵyndardyń tamaǵyn qyshytatyn bolǵan. Kómek suraǵan el áleýmettik jeli arqyly vıdeo joldady. Máselege qatysty bizde arnaýly oryndarǵa habarlasyp, jaǵdaıdy qalaı sheshýge bolatynyn suradyq.
Biz atalǵan káýaphanaǵa arnaıy baryp, jaǵdaımen tanystyq. Olardyń áreketterine baılanysty arnaıy hattama toltyrdyq. Endi olar eki apta merzim ishinde qorshaǵan ortaǵa zıanyn keltirmeý maqsatynda arnaıy súzgilerdi satyp alyp qoıýǵa ýáde berdi. Bul jaǵdaı bizdiń baqylaýymyzda bolady, -dedi Almaty qalasy Polısıa departamenti janyndaǵy Jergilikti polısıa qyzmetiniń aǵa ınspektory polısıa maıory Karpykov Nurlan Haıdaruly.
Búgingi tańda qala ekologıa máselesi Memleket basshysynyń nazarynda. Megopolıstiń ekologıalyq ahýalyn jaqsartý úshin barlyq múmkindikterdi paıdalanyp, aýa lastanýǵa jol bermeýdi tapsyrǵan bolatyn. Sondyqtan aýa qabatyna qatty zıany tıetin osyndaı oryndarda qadaǵalaý jumystary júrgizilip turǵany abzal. Kásipker aıtqan ýádesinde turady degen senimdemiz!