Qazaqstandyq boksshy Tursynbaı Qulahmet (6-1, 4 KO) Haıton qalasynda (Anglıa) ótken kásipqoı boks keshinde óner kórsetti, dep habarlaıdy almaty-akshamy.kz.
Ol polshalyq Robert Talarekpen (28-24-3, 19 KO) jekpe-jek ótkizdi. Orta salmaqtaǵy jekpe-jek alty raýndqa josparlanǵan bolatyn. Alaıda belgilengen ýaqytqa sozylmady: tórtinshi raýndta Qulahmet tarapynan jasalǵan myqty soqqydan keıin polák ornynan tura almaı qaldy.
Osylaısha, Tursynbaı Qulahmet mansabyndaǵy jetinshi jeńisine qol jetkizse, Robert Talarek 25-shi jeńilisine ushyrady. Qulahmet úshin bul 2021 jyldyń qazan aıynda domınıkandyq Hýan Karlos Abreýden (26-7-1, 24 KO) aýyr nokaýtpen jeńilgennen keıingi úshinshi jekpe-jek boldy. Osy jeńilisten keıin ol kolýmbıalyq Hoel Hýlıo (39-20, 33 KO) men fransýz Fýad El Massýdıdi (18-22-1, 2 KO) jeńgen bolatyn.